الخميس، 10 سبتمبر 2009

واشنطن كمان وكمان


نستكمل الرحله الى العاصمه واشنطن


وصلنا الى واشنطن وكان الضياء يلملم بقاياه استعدادا للرحيل وكانت فرصه لنرى العاصمه بشكل اوضح !
عانينا قليلا من رطوبه الجو وحرارته تذكرنا برطوبه القاهره لكن دون اتربه تلتصق بوجهك وملابسك
تبدأ الزياره من خلال احد المتنزهات الكثيره التى تمتلىء بها واشنطن واثناء سيرنا نلاحظ مبنى ضخم ابيض مستدير
ذو طراز معمارى رومانى تحيط به ساحه شديده الاتساع يتم الصعود اليه عن طريق سلالم تحيط بالمبنى من جمييع الجهات عندما نقترب نعرف انه النصب التذكارى للرئيس جيفرسن الرئيس الثالث للولايات المتحده





يبلغ ارتفاع القبه حوالى 39متر داخل النصب التذكارى تمثال عملاق من البرونز لجيفرسون وعلى الحائط توجد كتابه لوثيقه الاستقلال

االنصب يطل ايضا على نهر البوتوموك مثل الكثير من الاماكن التذكاريه لابطال امريكا القوميين ورؤسائها
نسير مسافات كبيره نعبر احد الكبارى الصغيره ذات طراز معمارى مميز نجد اننا دخلنا جزيره داخل نهر البوتوموك تحتوى على نصب تذكارى اخر ونعلم ان صاحبه هو روزفلت و يحتوى النصب التذكارى ايضا على تمثال ضخم من البروتز لروزفلت جالسا مع كلبه وخلفه لوحه مسجل عليها بعض العبارات الخاصه به !
فى نفس المكان تمثال لزوجته اليانور روزفلت




المكان يحتوى ايضا على عدد من الشلالات الصناعيه وكذلك لوحات كبيره من البرونز فوق حوائط جرانيتيه مرسومه بشكل دقيق تمثل الحياه فى عهده
نترك الجزيره الخاصه بروزفلت بعد ان رحل النهار حاملا معه ضيائه وتركنا فى قبضة الليل واضوائه
نعرف اننا نحتاج لايام اخرى لنستكمل زياره باقى النصب التذكاريه التى تمتلىء بها المدينه التى يطلق عليها مدينه الزكريات لوجود اعداد لا مثيل لها من النصب التذكاريه تختلف من حيث الحجم والقيمه
ولكن رغبتى فى زياره اهم المعالم وهو البيت الابيض كانت الاقوى( واعتقد انه ليس من المناسب ترك العاصمه دون زياره مكان يقطنه من يتحكم فى مصير العالم بقرارات فيها الكثير من الظلم ضد العالم العربى والاسلامى كما كانت رغبتى ايضا فى المقارنه ين منزل رئيس اقوى دوله فى العالم وقصور الرئاسه فى عالمنا النامى)

بعد السير لمده ساعتين على الاقدام ودون استكمال لباقى المعالم نتجه بالسياره الى مبنى البيت الابيض والذى يقع فى1600شارع بنسلفانيا ( تسبقنى هواجس عن شكل الامن هناك واعداد الحراس وكيفيه تعاملهم معنا كمحجبات )

على ناصيه الشارع المؤدى الى البيت الابيض يوجد مبنى وزاره الخزانه يليه مبنى البيت الابيض والمبانى المحيطه بالبيت الابيض معظمها مبانى ضخمه تم بنائها من الرخام اما البيت الابيض فقد اثارنى تواضعه سواء من حيث الحجم المتواضع او من حيث ماده البناء










كما سبق ندخل الشارع المؤدى لليت الابيض من خلال شارع متوسط الاتساع على ناصيته مبنى وزاره الخزانه يقابله مبنى بنك اوف امريكا يغلق الشارع بسياج مرورى متحرك وامام السياج تقف عربه فان يجلس داخلها شرطى اسمر بثياب مدنيه اتجه نحو البيت الابيض ومازال الهاجس يطاردنى الاحظ وجودممر عازل بين وزاره الخزانه والبيت الابيض به اعلام الولايات المتجده امام الممر كشك من الزجاج واالالموتال يبدو من داخل سور البيت الايض كشك اخر يبدو خاليا ومن بعيد قرب مدخل البيت يبدو احد افراد الامن ! نسير بمحاذاه السورالمحيط بالبيت الذى تحيط به حديقه جميله مثل معظم منازل الامريكان



الاحظ عدم تواجد افراد امن ظاهرين واغرانى ذالك بالصعود على القاعده الاسمنتيه للسور الحديدى

وذالك لالتقاط بعض اللقطات المقربه للمنزل المتواضع قلدنى بعض السياح الاخرين يظهر على الفور احد رجال الامن يراقب الوضع من بعيد دون حوار مع احد !

فى الحديقه التى تقع فى حرم البيت الابيض يجلس احد المحتجين امام خيمه يرتدى العلم الامريكى ولوحتان خشبيتان عليهم صور لاماكن حروب فى انحاء العالم وصور لضحايا الحروب يتحدث معه بعض ا لزوار مازال رجل الامن واقفا معطيا ظهره للرجل المحتج

الساعه الان العاشره يقل عدد المشاه والسيارات تهدا الحركه فى المدينه نستقل السياره استعدادا للرحيل تذكرنى شوارعها ومبانيها يشوارع الاسكندريه وكذلك شوارع الزمالك ولك الفرق الشوارع هنا متسعه شديده النظافه لها طابع يميزها اودع المدينه التى قد تكون زيارتى الاخيره لها فلا اعلم هل سيمهلنى العمر والظروف فرصه زيارتها مره اخرى

اترككم مع الصور



















هناك 21 تعليقًا:

محمد رمضان يقول...

بصراحه يا طنط انت بتوصفى الحداث واحاسيسك بطريقه زى ميكون الواحد كان معاك
طبعا انا مش بجامل دأنا بكتب لحضرتك و mp4 فى ودنى.إوعى تفهمينى غلط
كل سنه وانت طيبه ونورتى مصر ومدونتك

عمرو يقول...

عطش الصبار
مش عارف أشكرك إزاي والله. أنا معاكي كأني في الرحلة.. منتظر بقية الرحلة في التدوينات اللي جاية
لكن ما كتبتيش حاجة من اللي على النصب.. أي نص؟
:)
ترجعيلنا بالسلامة
:)

عطش الصبار يقول...

ما تتصورش يا محمد بفرح قد ايه لما بشوف تعليقاتك عندى وفيروز بتقولى انها مش مصدقه ان محمد رمضان الجد قوى بيكتب تعليقات دمها خفيف قوى
عموما انا مصدقاك انك مش بتجاملنى
لان اكيد انت لسه عندك امل تاكل عجوه
فا لازم تتابع المدونه عشان الجايزهنصف كيلو من اجود اصناف العجوه
نورتنى

عطش الصبار يقول...

عمرو
اهلا بيك حاضر هاحط صور للنصوص وبرضه صوره للبيت الابيض لانى نسيت وحطيت صورة وزاره الخزانه مرتين الجعان يحلم بسوق العيش وشكرا لك على زيارتك اللى بتسعدنى جدا

فارس عبدالفتاح يقول...

سلام عليكم

كل سنة وحضرتك في احسن حالة ورمضان كريم

على فكرة انا مقرتش الموضوع لضيق الوقت وانا في اجازة في مصر وانا الان في الاسكندرية ان شاء الله سوف يكون لي عودة

كل سنة وحضرتك طيبة

وتقبلي اطيب التمنيات وبالغ التقدير

فارس عبدالفتاح ... قومي عربي

noon kiko يقول...

الله
رحله والله خدتنى من الارض خالص
عجبتنى جدا
واتمنيت انى ازور كل الاماكن دى
ترجعى يارب بالسلامه
ولو ان مصرمتبعثش على التفاؤل
:)

عطش الصبار يقول...

استاذ فارس
حمدالله على السلامه مصر منوره بيك
كل سنه وانت بالف خير
هتعيد معانا فى مصرولا ايه
انا برضه فى انتظار تعليقك اللى بيهمنى جدا
تقبل تحياتى

عطش الصبار يقول...

نور
فرحت لما نورتينى بزيارتك
ان شاء الله ربنا يحقق امنيتك وتزورى كل بلاد الدنيا ساعتها هنلاقى رؤيه مختلفه رؤيه فنانه جميله
اهلا بيكى

اقصوصه يقول...

حلوه الصور

والتدوينه احلى :)

مهندس مصري بيحب مصر يقول...

حلوة جداً الصور و وصف حضرتك
و على فكرة فيه جولات سياحية داخل البيت الأبيض كمان في بعض قاعاته التاريخية
:)
كل سنة و حضرتك طيبة و ترجعي بألف سلامة

-_- يقول...

ربنا يرجعك بالسلامة

Shaaban Salah يقول...

انا كنت معدى من على المدونات لاقيت ريحت عجوة طالعه من التعليقات دى


ياترى هعرف اخد حته ولا لا؟

عمرو يقول...

وصفك جميل أوى و بينقل الصوره بدقه و بدون تطويل ممل .. فكرة التذكارات رائعه بصراحه ..
و الصور بجد رائعه بارك الله فيكى ..
بس غريبه أوى حكاية قلة عدد رجال الأمن اللى حوالين البيت الأبيض !!
رحله موفقه و ترجعى بالسلامه اٍن شاء الله ..
تقبلى تحياتى و تقديرى ..

عطش الصبار يقول...

اقصوصه
اهلا بيكى نورتينى

عطش الصبار يقول...

مهندس مصرى
فعلا فيه زيارات للبيت الابيض من الداخل لكن بنقدم قبلها طلب لو انت من خارج البلاد لازم تقدم قبلها بشهر لو من\قيم فى البلد برضه تقدم عن طريق عضو الكونجرس قبلها برضه بقتره تقريبا ياعنى للتحريات
نورت المدونه

عطش الصبار يقول...

شارم اهلا بيك
نورتنى

عطش الصبار يقول...

ضعبان
ياعنى ما لفتش نظرك فى المدونه غير العجوه
ماشى يا تمساح

عطش الصبار يقول...

استاذ عمرو اهلا بيك
من زمااااااااااااان المدونه مفتقده تعلقاتك
فعلا ما كنش فيه امن ظاهر حول البيت الابيض وده كان مصدر دهشتى
اعتقد ان ده له علاقه بالديمقراطيه الحقيقيه

Yusuf يقول...

أول زيارة :)

مدونتك رائعة
وتدوينتك اكتر من رائعة

شكراً علي هذه الرحلة القصيرة والجميلة

وكل عام وأنتِ بخير

تحياتي

well يقول...

نفسى الوصف ده يكون على الواقع بس بدل كلمة واشنطن تكتب كلمة القاهرة ...تحياتى

عمرو جويلى يقول...

السلام عليكم
كل عام وحضرتك بكل خير
وكل عام وحضرتك إلى الله أقرب
خالص تقديرى