الاثنين، 28 سبتمبر 2009

حنين


كلما سمعت هذه الاغنيه
اشعر بحنين الى الماضى
الى طفولتى الى امى
الى ابى الى جيرانى
الى اصدقائى
اشعر بالحنين الى كل شىء
تركته خلفى بحثا عن اوهام الغد
والان ابحث عن ذكريات الماضى
ابحث داخل سرداب القلب
فى زواياه الخفيه
عن سنينى الى راحت
وعن ضحكات اللى راحوا
هل هناك من هم بسنى يهاجمهم هذا الشعور القاتل بالحنين الى الماضى
ام انه حاله خاصه بى ظللت لسنوات اخجل من الاعتراف بها
هل الحنين الى الطفوله والتى تعجلنا الرحيل عنها مرادف لتلك المرحله التى يحمل فيها الزمن سنوات العمر القليله الباقيه
فى رحله سريعه الى النهايه
لاادرى ؟

هناك 49 تعليقًا:

طهر فؤادك يقول...

السلام عليكم ورحمة الله وبركاتة
جزاكم الله خيرا على مشاركتى فى حملة (مدونتك هتنقذ طفلك)وان شاء هنبدأ من غدا 29 / 9 / 2009 النشر الجماعى .. لموضوع الحملة الموجود
بمدونتى عن طريق كوبى وبست (نقل ) للموضوع بأكملة بمدونتك الجميلة مع اى تعديل تجدوة مناسب مع الاحتفاظ بصلب موضوع الحملة المتمثل فى الاسم و طرق
التبرع الجديدة حتى يتسنى لنا مشاركة عدد اكبر فى الحملة . .
وربنا يكرمك يارب على التعاون ويجعلة ان شاء الله فى ميزان حسناتكم والمسلمين اللهم امين .
ملحوظة :- النشر مستمر ان شاء الله بس البداية من غدا ومن دواعى سرورنا ان تشتركوا من غدا (ساعدونا ليعم الخير بأذن الله )1

عمرو جويلى يقول...

السلام عليكم
كلنا نحن بذكريات الماضى
ونتمنى أن يعود بنا الزمان
ولكن كما تقول أم كلثوم
وعاوزنا نرجع زى زمان
قول للزمان ارجع يا زمان
تقبل مرورى

عطش الصبار يقول...

تعليق لى ياريت تقروه
مش عارفه الحاله اللى كنت فيها لما كتبت البوست ده
يمكن لما شفت البوست الاخير (لقطه عبقريه )للاستاذ عمرو فى مدونته حبشتكنات فلسفيه يمكن لما قريت بوست تسجيل للاديب عمرو السيد يمكن لما يقرا بوست واحده من الناس حسيت بقدر كبير من الشجن حسيت انى عايزه ارجع ورا وده طبعا مستحيل الخيار الوحيد لينا هو الامام ولو اختارنا الماضى نعيش على طول فيه عجله الزمن هدوس علينا وتدهسنا واحلامنا
ولانى ادركت من زمان انه لاخيار لنا فى العوده الى الماضى وانه ليس هناك مجال للعوده للحياه مره اخرى حتى نعيد اختيارتنا كنت دائما احث اولادى على عيش اللحظه بكل تفاصيلها لانه سياتى يوما نبحث عن هذه اللحظه ولن نجدها
لهذا اقول لابنائى من المدونين لاتترك اللحظه من اجل غد مجهول .
تطلع الى الغد ولكن عش اللحظه بكل تفاصيلها
وتاكيدا لكلامى اثارت دهشتى المدونه واحده من الناس فى بوست لها وهى تتحدث عن حنينها لاشياء من الماضى وهى الفتاه التى تلعب فى حدائق العشرينات من العمر
عموما البوست فضفضه وشعرت براحه بعدما تجاوزت مرحله الخجل باالاعتراف بانى نفسى ارد ضحكات اللى راحوا فى زوايا السحاب
شكرا لكم

عطش الصبار يقول...

اللؤلؤه
هى لظات حنين للماضى برجع ورا شويه عشان ارجع بشويه قوه يعينونى على مواجه الايام
شكرا

عطش الصبار يقول...

طهر فؤادك
ان شاء الله وربنا يجعله فى ميزان حسناتك
نورتنى

well يقول...

بصراحة انا مش شايف اغانى مش عارف بقى ده بسبب بطئ النت او هو اصلا مش موجود اغنية ......عادى كلنا كدة بنحن للماضى وفى حجات بتربط بنا وبين الماضى سعات بتبقى اغنية ..عارفة من يومين كنت على اليوتيوب وبالصدفة لقيت اغنية بولا بولا بالو مبلة (طيرى طيرى ياعصفورة ) وبعدين فضلت اعمل بحث على اغانى كتير اوى كنت بحبها زمان (منهم اغنية انا انا ابريق الشاى )كنت خايف لحد ياخد باله ..بس عارفة الاغانى دى فكرتنى بناس كانوا بجد عوزاز عليا..فيه ناس بنعرفهم ونحبهم لكن الفراق بيكون اقوى ..ورغم كدة بيفضلوا عايشين جوانا ....تحياتى

Unknown يقول...

لستُ وحدك
فى هذا صدقينى!
كلنا بـ(هذا الحنين)

عطش الصبار يقول...

ويل
اهلا بيك
عموما هى اغنيه فيروز كنا نتلاقى
تحياتى

عطش الصبار يقول...

نورهاتى
اهلا بك وارجو التواصل
تحياتى

noon kiko يقول...

امى الرقيقه التى لم يتسنى لى رؤيتها بعد..هل لى ان القى نفسى بين ذراعيكى وابكى..ابكى حنينا ادمانى الى طفولة صدقتى حينما قلتى تعجلنا الرحيل عنها
ابكى احباء فارقونى رغما عنى
اسمحيلى ان اشاركك شعورك نفكر سويا بصوت عال
اسمحيلى ان انحنى احتراما لكلمات خطها قلمك فحفرت علاماتها فى قلبى
سيدتى الجميله
انتى تكتبين عن شعور راودنى رغم صغر سنى
ماكن ابدا ذاك الشعور بشىء اخجل منه
فكثيرا ماتقت الى البوح به دون خجل
انما هو الخوف سيدتى مامنعنى من البوح به
الخوف من ناس يذبحون بكلماتهم القلوب
يتهموننا بالجنون ان تصنعنا الطفوله
وكان الطفوله هى حكرا على ذوى سنوات ماقبل الرابعة عشر
تجمدت حينما قرأت كلماتك..تجمدت فرحا لان هناك من يشاركنى شعورى..وفرحا اكثر ان هناك من يذكرنى..انا لست وحدى..لم تعد حياتى شاغره..قد اتيتى لتسعدينى بكلماتك رغم شجنها
ولتملئى ايامى الحزينه سرورا خفيا
امى
نعم امى وسيدتى الرائعه
اشكرك
فيروز ايضا شريكتى ف الوحده
وهى الان ترسل لى منكى رساله..تقول لى لستى وحدك..وانك لى فيا شريك
اسعد الله ايامك
وخفف عنك اى حزن
:)

غير معرف يقول...

السلام عليكم
ما أجمل الحنين إلى الماضى والذكريات الجميلة
خالص تقديرى

عطش الصبار يقول...

نور...........ابنتى
اشكرك يانور على كل حرف سطرته اناملك
اريد ان اقول لك كما قلت لابنائى من قبل عيشى اللحظه التى وهبها الله لك يضيع عمرنا ونحن ننتظر الرضا والتعاطف من الاخرين يتعاطفون معنا قليلا ثم يتركونا ويتجاهلوننا يدمون القلوب بكلماتهم كما قلت انت ثم يتركونا دون مدواه ما فعلت كلماتهم لذا يا ابنتى لاتتوقفى ولا تتلفتى حولك بحثا عمن يساندك ويقدرك هناك فى رحم الغيب من يستحقك قد يكون بجوارك اومعك ولكنك لاتريه لانك تبحثين الى ما بعد اللحظه مازلت اصر يا حبيبتى على تستمتعى وتعيشى فى حدائق العشرينات اختارى انت زهورك وفراشاتك ولا تنتظرى من احد ان يختار لك عيشى لحظتك بكل ما فيها دون انتظارالاخرين فأن لم تجدى فالله يعلم انه ليس هناك الان من يستحقك والايام حبلى بالعطايا دعيها تعطيك واقبلى العطايا مهما كانت برضى
خفف الله عنك يا صغيره

عطش الصبار يقول...

العصفوره
اهلا بيكى وحشتينى
لسه بدرى يا عصفوره على الحنين
زقزقى وطيرىواسعدى

Tarkieb يقول...

لحنين للذكريات مالوش علاقة بالسن....كله يحن الى ليلاه....بس غريبة انك بتحني للماضي بفيروز....حاجة ليس لها علاقة بطفولتي خالص مالص كل اللي افتكره ان امي الله يرحمها كانت بتقفل الراديو لو جات وتقول هي بتقول ايه ....سلك ودانا يا ابني بالست ....ثومة

عمرو يقول...

و الله كلنا نشعر بالحنين للطفولة بل و للماضى ككل بصفه عامه ..
لكن بعد اٍذن حضرتك لى محاذير على من يتشد كلية للماضى و يتغاضى عن المستقبل ..
مينفعش ..
مينفعش حتى لو أردنا أن نظل نحيا فى زوايا ماض راح و ولى بكل ما فيه و بكل شخصياته حتى التى رحلت عنا و نظل نتعايش معهم على أنهم لم يرحلوا أبدا ..
نحيا بحنين للماضى و هذا عرف متبع و فى نفس الوقت تكون عينا على المستقبل بما يحمل فى طياته من ترقب و دهشه ..
بوست شجى أحييكى عليه ..
تقبلى تحياتى و خالص تقديرى ..

عطش الصبار يقول...

اهلا بيك يا تركيب
انا بحن للماضى مش بفيروز بس بعبد الحليم بثوما حتى ب

ايمان البحر درويش
نورتنى ياريت تنورنى دايما

عطش الصبار يقول...

استاذ عمرو
اهلا بيك بيسعدنى زيارتك لمدونتى وان با اتفق معاك فى اللى قلته ووضحت الكلام ده فى التعليق فوق تالت تعليق شرح فيه ظروف البوست وطبعا وضحت ان الوقوف على عتبات الماضى فقط سيجمدنا وي
اخرنا ولكن ما كنت فيه هو حاله حنين لماضى جميل نحتاج الى العوده اليه كل فتره لنجدد روحنا
شكرا على زيارتك
نورتنى

Soul.o0o.Whisper يقول...

السلام عليكم و رحمة الله و بركاته

أولا أخبار حضرتك ايه؟؟؟
يارب تكونى بخير


حالة الحنين و الاشتياق دى اعتقد انها ملازمة لكل واحد فينا فى كل مراحل عمره

و اعتقد مفيش انسان يقدر يعيش بدون حنين لماضيه و طفولته

عارفة حضرتك ،
أنا مش مصدقة انى كمان كام يوم هتم 23 سنة
حاسة انى لسه الطفلة اللى عندها يادوب 10-12 سنة
عاوزة اجرى و العب و اتنطط

مستكبرة اوى انى خلصت كلية و بئيت باشتغل
و كمان عدت عليا سنة و شوية باشتغل
يااااااااااااااه
عمر الواحد بيجرى بسرعة اوىىىىىىىى


بس برغم كل دا باحس الطفل جوا كل انسان فينا حى مش بيموت
وهو دا اللى بيعطيه بهجة الحياة

مش عارفة هل دا هيبئا احساسى بردوا مهما كبرت و لا ايه

بس أنا حابه احساسى بالطفولة دا :) ، بيخلى الحياة أحلى ...


دمتى بكل الود

محمد رمضان يقول...

خلاص يا طنط مادام الاغنيه دى بتعمل فيكى كل ده متسمعيهاش تانى وبلاش وجع دماغ وقلب.
شوفتى حلولى سهله وبسيطه إزاى؟
فيروز عندها مليون اغنيه مجتش من الاغنيه اللى بتقلب المواجع دى
وبعدين يا طنط بلاش ترجعى للماضى اوى عشان احنا كان شكلنا وحش اوى واحنا صغيرين.بلاش فضايح والنببى
وعلى جانب اخر(واخده بالك من الاسلوب)بجد والله البوست حلو اوى وبصراحه خلانى اخاف لييجى عليا اليوم ده لما اكبر واشتاق لكل اللى فات
لغايه دلوقتى الواحد مبيشتاقش غير للطفوله وده احساس عند كل الناس حيث الانطلاق وعدم المسئوليه والحنان والعطف من كل اللى حواليك
بس ان شاء الله اللى جاى احسن بكل اللى حواليكى وحتى البعيد منهم انت متأكده انك على بالهم علطول.صح ولا انا غلطان؟
معلش بقى مش هلحق اقرا الرد عشان انا دلوقتى بحضر الشنطه عشان اسافر وقولت مينفعش اسافر من غير معلق على البوست الحلو ده
لما ارجع ان شاء الله هبقى اقرا الرد وعقبال البوست اللى بالى بالك(عارفاه؟)
خلى بالك من صحتك عشان خاطرنا كلنا ووعد منى مفيش حلويات تانى خلاص عشان الرجيم
كله دايت بعد كده
ادعيلى يا طنط والنبى
السلام عليكم

Unknown يقول...

بسم الله الرحمن الرحيم
السلام عليكم ورحمه الله وبركاته
ارجو ألا تندهش سيدتي من تعليقي . فقد عرفت هذه المدونه قدرا ولم أدع فيها (بوست)الا و قرأته ولا اكون مجاملا ولا كاذبا إن قلت انني ظننت نفسي اتجول في مدونتي وانا الذي كتب هذه الكلمات وابحث عن توقيعي علي كلماتي فأجدني مهاجرا الي مدونه أخري ابحث فيها عما وجدت من بلاغه الكلمات وجمال المشاعر الصادقه و حنكه الخبره والقدره علي أخراج الفكره و تصوير الواقع مع مزجه بالماضي يبرز منها شعاع يشير لمستقبل منير
( عطش الصبار ) ... متعكم الله بالصحه و العافيه .... 

osama44 اسامه 44 يقول...

حقيقى مش عارف اقول ايه
بس بجد احساس جميل كنتى انتى سبب خروج وهو الحنيين للماضى
بس انا بختلف معاكى ومع غالب المدونيين لان الحنين للماضى بيتمثل لى فى زمان العزه وهو رجوع المسلمين الى سابق عهدهم من اوائل الامم
ومره تانيه اشكرك عشان قدرت تتطلع هذا الاحساس
انا اسف انى اتاخرت فى التعليق

عطش الصبار يقول...

د.سول
كل سنه وانت بالف خير
وتمر عليكى السنين وانت وانت فى روضه الرحمن وتكون زكرياتك كلها فرح
كل سنه وانت الى الله اقرب

عطش الصبار يقول...

يا محمد
انا لما بلاقى اسمك بفرح جدا
هاجرب اقتراحك لكن احيانا بتمر عليك لحظات لما تكبر قوى زى كدا بعد عمر طويل وتركب قطار الزكريات ويرجع بك (فى الخيال بس)الى محطات استعجلت الرحيل عنها بتشوف عينك ساعتها تفاصيل جميله تتذكر انك لم تتوقف امامها كثيرا ولو كنت توقفت امامها لربما كنت اسعدت اخرين ولكنه غرور وسطوه الشباب
كما لا انكر اننى بين وقت وأخر احتاج لتجديد روحى من ادران السنين بالرجوع الى زكريات وضحكات اللى راحوا
سافر يا محمد وارجع بالف سلامه انت واحمد وكل الغائبين
من غير ما تطلب بادعى لك دايما
وخلى بالك من نفسك
ومن دلوقت مشتاقه لكم ومشتاقه لمشاغابتكم
فى انتظار عودتكم بالسلامه

عطش الصبار يقول...

فركشاوى
المجاهد لنفسه المحب للاحرين
لسلام علبكم ورحمه الله وبركاته
اسعدتنى زيارتكم واثلجت صدرى كلماتك
لظرف طارىء عندى اسمح لى بزياره مدونتك سريعا لاترك لك رساله شكر وامتنان ثم العوده مره اخرى والاستمتاع بكلمات سطرها قلم يحمل رساله حب للناس
تقبل تحياتى

عطش الصبار يقول...

اسامه
العزه والكرامه الناس هى اللى بتصنعها والمفروض اننا نقرا الماضى ونتعلم منه
نورتنى

قيس بن الملووووح يقول...

الكلمات والصوت يدعوان الي الحنين الي الماضي...انا من عشاق فيروز فهي تختار الكلمات وتمنحها الخلود بصوتها

Mr.ProiD يقول...

السلام عليكم ورحمة الله وبركاتة

ميرسي كتير علي زيارتك الجميلة لمدونتي المتواضعة

بالنسبة للبوست بقي فلا جدال علي عبقرية فيروز في اختيار الكلمات و الآلحان و ما يتوج كل هذا صوتها الدافئ اللي بيطلق حالة من الحنين داخل الذات

اما موضوع البوست نفسه فالحنين ذاته شعور داخل كل انسان من منّا لا يشتاق لطفولته و سنوات العمر الجميل

كنت قد كتبت بعد الكلمات التي اعتقد انها تناسب حالة الحنين التي شعرت بها عندما قرأت كلماتك

حطام إنسان

جاهدت لكي اكتب اسمك ذكري و هوان

حاولت بأن اجعل قلبي حجرا صوان

فيذيب القلبَ الشوقُ إليكِ بالوجدان

ادركت بأن الحب الصادق شط امان

ايقنت بأني دونك انتِ بلا عنوان

و ضللت طريقي دون عيونك في الأشجان

قررت بأن ابحث عنكِ في كل مكان

و اجيب نداء الشوق الثائر و الحرمان

يهتز القلب و يتأرجح جسر النسيان

اتذكر سيدتي موتك .. و اعود حطاماً للإنسان

و اجرجر قدميّ لقبرك .. تبكي دمائي و الأحزان

اتمني بأن اُقتل لحظه .. لآراكِ و لو بضع ثوان

ممكن نعتبر سيدتي = طفولتي مع اختلاف المعاني طبعاً لأني كنت كتبتها لوالدتي رحمها الله هي و كل اموات المسلمين

تحياتي

حاول تفتكرنى يقول...

منذ ساعة تقريبا وانا في مدونتك الراقية ، التي احسد نفسي اني متواجد فيها لاول مرة ، واندم ايضا انه لم اتواجد من قبل

احييك جدا على هذه المدونة

أما الموضوع فأعتقد اني قرأته فى وقت على غير صالحي ، فامس فقط كنت فى وطني ولم تمر الايام الكئيبة القليلة حتى اعتاد على ما كنت معتاده قبل الاجازة

عموما
فيروز دائما تسعدنا ببكاءنا

تحياتي

رابطة هويتي اسلامية يقول...

فى إطار حملة مدونتى عنوانى تستضيف رابطة هويتى إسلامية المدون محمد غالية صاحب مدونة هل تبحث عن السعادة

فى نقاش عام وحوار مفتوح حول موضوع الحملة .

والدعوة مفتوحة للجميع للمشاركة معنا فى النقاش من أجل الإفادة والإستفادة

نتمني منكم مشاركتنا من أجل تدوين أفضل

تحياتنا

أسرة رابطة هويتي إسلامية

ن يقول...

السلام عليكم
سيدتى .. كم انا مقصرة فى حقك آسفةجدا على التأخير .
لست أدرى لماذا أشعر بأنك مثل اللؤلؤة المكنونة مشاعرك غالية وثمينة .ولكن قد تتغير هذه الاحاسيس وتتنوع من شخص لأخر .
اسمعى يا سيدتى انا ابلغ من العمر 41عاما ولكنى أحن الى الماضى فى كل ما هو تاريخى وتراثى أحب مصاحبةالزمن ولكنى أحن أكثر للزمن القادم وأتصور كيف سيكون أحفادى رغم ان اولادى مازالوا شبابا صغار ولكنى من الان أحلم وأحن الى غرس شجرة لهم هنا وهرمسة كلمات لهم على الجدران هناك أحكى لهم من خلالها قصة طفولتى وآبائى وأجدادى .. أحلم بأنى أشق لهم مجرى لنهر النيل نظيفا نقيا ولوكلفنى الامر أن أشق المجرى بيدى وأهرمس لهم كلمات على حجر الاجداد كما كتبوا لنا
ـ أنا لم أغضب والدى.
-أنا لم ألوث مياه النيل.
-أنا لم أصد الماءفى وقت جريانه.
-أنا لم أنقص القياس، ولم اغش فى الكيل ولم أطفف فى الميزان .
-أنا لم اطرد الماشيه من مراعيها.
-أنا لم أتسبب فى بكاء أحد.
-أنا لم أحرم انسانا من حق له.
-أنا لم أختطف اللبن من فم رضيع .،
_أنالم أطفىء شعله فى وقت الحاجه أليها.
مع خالص تحياتى

فارس عبدالفتاح يقول...

سلام عليكم اختنا الفاضلة

well يقول...

هو انتى فين طمنينا عليكى ..
تحياتى

Unknown يقول...

طال غيابكم ...
نسأل الله ان يردكم لنا بخير.
نرجو الا يطول الغياب...

غير معرف يقول...

ازيك يا ماما؟
يارب تكونى بخير انا اسف على الاختفاء لكن والله غصب عنى لخبطه حياتيه من اللى هى
انا كمان باحن لايام زمان انا حتى كان نفسى عمرى يقف عند 12 سنه بس
ياريت تكتبى دايما وبلاش تغيبى
تحياتى وطمنينا عليكى دايما

عمرو يقول...

عاملة إيه يا عطش الصبار وإيه الغيبة الطويلة دي.. انتي كويسة؟ يا رب تكوني بخير
:(

م/ الحسيني لزومي يقول...

صوت فيروز الملائكي واختيارها للكلمات واللحن ...الجميع ينقلك الي عوالم مختلفه انا اعشق فيروز حتي اننا لا امل من سماعها
-------------
من اجل
وطن آمن مستقر...حياة افضل.
من اجل
محاربة الفساد....مقاومة التزوير
من اجل
ان تكون مقدرات هذا الوطن بأيدينا
شارك في الحملة الشعبيه للقيد بالجداول الانتخابية
ضع شعار الحملة علي مدونتك

اقصوصه يقول...

امممم

الله يعينك

لكا اكون بهالفترات احس

ان الحنين يغتالني ببطئ:(

Unknown يقول...

كل عام وحضرتكم بخير...
يارب يطمنا عليكم .

غير معرف يقول...

ازيك يا ماما؟
كل سنه وحضرتك طيبه وفى اتم صحه وسعاده
عيد سعيد على حضرتك وعلى الاسره الكريمه
بقالك كتير مش بنشوفك لا هنا ولا عندنا
ياريت تطمنيى على حضرتك لانى قلقت
عيد اضحى مبارك اعاده الله عليكم باليمن والبركات

well يقول...

كل عام وحضرتك طيبة

فارس عبدالفتاح يقول...

سلام عليكم


حضرتك فين محدش شايفك يا ختنا الفاضلة

عمرو يقول...

؟

Unknown يقول...

والله الذي لا إله إلا هو ...
ما شعرت بحلاوه الفرح قط ...
مثل تلك الفرحه بعوده قلمكم لمدونتكم .
الف حمد لله علي سلامتكم .
اسعدكم الله كما اسعدتمونا .

م/ الحسيني لزومي يقول...

عام سعيد وكل عام انتم بخير
نحن مقبلون علي لحظات حرجه في تاريخ مصرنا
انتخابات مجلس الشعب 2010
انتخابات الرئاسه 2011
هل اعددت نفسك لتقول كلمتك
هل سجلت نفسك في الجداول الانتخابيه
اذا كنت قد سجلت نفسك ادعو غيرك
الحمله الشعبيه للقيد بالجداول الانتخابيه
باقي من الزمن30 يوم

Unknown يقول...

السلام عليكم ورحمه الله وبركاته
اصبحنا اكثر من الصبار...
في الأنتظار...
لجديد فكركم الراقي ..

Unknown يقول...

نعم سيدتي ...
ما جدوي ...و ما العائد؟
صدقيني يا افندم...
ان الكلمه الصادقه تقع في القلب وقع البرد السلام علي الصادقين .
فلتكن كلماتك الصادقه...
الناطقه بالواقع تذكرني ان هناك من يعيش مثلي في نار .
فلتكن الكلمات الصادقه هي ( برداًوسلاما)
أشكركم و أسأل الله الا يحمنا منكم .

جلال كمال الجربانى يقول...

السلام عليكم

جميله تلك الذكريات عندما نستدعيها للحظات
ولكن يجب ألا نعيش بيها وليها
بس الأغنيه تحفه

ودمتِ فى خير حال

هبة النيـــــل يقول...

أكيد هناك حنين لأيام الطفولة

لكن لا تدعي هذا يؤرقك

فاليوم طعمه ربما يكون أحلى

إن "حاولنا نحن" أن يكون كذلك


أرق المنى بسعادة دائمة

هبة

غير معرف يقول...

ندهتك خلصني من الليل ويا ريت
ترجع النا اشيا نحبا وعنا بيت
صدقني لو بقدر اتحمل عذابـــــ
عذاب الاشيا كلها ماكنت فليـت
ولا كنت حرقتا حياتي وحرقتــك
يا ريت يا ريت
علي / ابو ظبي
lickatoffee@yahoo.com