هى رساله قديمه اعيد ارسالها مره اخرى لوطنى الذى كان عربى
وطنى هل تذكر خلجانك
وسهولك ووديانك
ومرح الموج فى انهارك
وطنى هل تذكر خلجانك
وسهولك ووديانك
ومرح الموج فى انهارك
وفرح الصحراء بامطارك
ورقص الطير باشجاركوطنى هل تذكر انسانك
فهذا طفلى فى فلسطين يئن
واختى فى سوريا لليالى الجولان تحن
واخى فى السودان يدفع الثمن
وابى فى العراق يوارى بغير كفن
وامى فى لبنان تبكى قسوه الفتن
وطنى
هل تذكر اطواق الياسمين
واغانى الفرح فى وجه الانين
وانشوده الناى الحزين
واذان الفجر يوقظ الغافلين
وطنى
هل تذكراخضر التلال
وشموخ الجبال
واخيلة الظلال
وفرحة الاطفال
وطنى
هل تذكر
قنديلنا بالفرح سهران
وحلمنا المرسوم بالالوان
وطنى هل تذكر العنوان؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هناك 25 تعليقًا:
جميلة جدا جدا ... هي محتاجة شوية تظبيطات بس في المجمل جميلة جدا
وحزينة وبتوجع القلب جدا كمان :(
تحياتي
كلمات معبره عن واقع الخال المؤلم اللى صارت اليه الاحوال
بس دائما ما اتمسك باهداب الامل لانه من غير وجود امل بتبقى الحياه لاقيمه و لا معنى لها
تقبلى نحياتى و تقديرى
يعنى انا صحيح خايبانه فى الشعر والادب
بس المعاني ت حفففففففه والكلام راااااااائع
حقيقى والله تسلم اديكى
واتشرفت بزيارتك وسعدت جدا جدا بالتعرف بيكى
والله العظيم انتى وحشتينى جدا جدا جدا جدا
وحياة ربنا يا ماما ينفع اقولهالك؟
من ساعة ماكتبتيلى كوومنتك اللى فات وهو معلق معايا بطريقة مش معقولة وكمان اسم المدونة كدة احلى
وبعدين بقة ندخل فى البوست
بصى بقة يا ماما
مؤقتا لحد ما اخد الموافقة يعنى
:))
اما عن ألم الوطن فهو طالما شعرت بية فى جسدى
فى اوراقى وفى صوتى وكتاباتى
ولا اعرف متى سينتهى هذا الالم؟؟؟؟
ممكن اقولك يا نور الشمس يا ماما
:))
ومعلش بقى يا ماما على الـتأخير
دمتى بخير وتقبلى خالص تحياتى
يا الله
ليس الوطن هو الذي نسي العنوان و إنما نحن الذين نسينا أنه وطننا.
آه و الله نسينا انه وطننا و كرهناه و أردنا الخروج منه و لم نفعل شئ واحد لنجدته
ألم يأن لنا أن نتذكر و نعود؟؟؟!!!
تسلم ايد حضرتك الأسلوب أكثر من رائع و المعاني صادقة و معبرة و بسيطة بتوصل للقلب بسهولة
ام روزا كعادتك كلمات رائعة
عبرتى عن الوطن بوضوح ..
لن يقر لنا في أوطاننا قرار مادام على رؤس البلاد من يقدم مصالحه الشخصية على دينه ووطنه وحتى عرضه .
ومادمنا ساكتين عليه .
تحياتي وتقديري :)
بوست موجع قوي يا ماما ... بس للاسف دي الحقيقه
معتقدش انه لسه فاكر انسانه او فاكر اي حاجه من دي
كلها اطلال مع الاسف
تسلم ايديك بجد
نفسى لما نتوجع نعمل حاجة حتى نقول اه ...بوست رائع
عطش الصبار
سعدت جدا بمعرفتك و شكرا جزيلا على تعليقاتك الجميلة ، فعلا مفارقة جميلة ان احنا الاتنين عندنا فيروز ، عايزة اعرفك اكتر احب ان القاك على النت ، يسعدنى جدا ان نتبادل الاراء و الافكار .
تيتا نجوى
اريك ماتشكرا على زيارتك معلش انت عارف اننىمحدثه مدونات وان شاء الله اكون ظبط البوست شويه
استاذ عمرو
نورت المدونه ان شاء الله اعمل بنصيحتك واتمسك بالامل
صبرنى يارب
نورتينى واللهى وكلامك رفع معنوياتى لانى زيك ما بفهمش فى الشعر قوى ولو اى شاعر حقيقى شاف الشعر بتاعى كان رفع عليا قضيه فى مجلس الامن بتاع الشعر
نبض اسكندريه
يااااااااااااااااه فرحت بزيارتك واطمنت عليكى
وبعدين فرحتى كانت اكتر لما قلتيلى يا ماماواجمل حاجه فى الحياه نى يبقى عندى بنوته رقيقه زيك
ام هجوره
واللهى مانسيناالوطن لكن الوطن هو حضن الام ينفع ام تطردولادهامن حضنها تشردهم وتياسهم تدىناس كل حاجه وتحرم الباقى من كل حاجه انا عارفه ان ولادها هما الى عملوا كدا لكن مين ربا مين نزع القيم ولاخلاق ماهى الام نفسى امنا تفوق وتدور على ولادها وتديهم العنوان
well
اهلا بيك وشكرا على زيارتك
استاذ تامر
نورتنى واللهى املنا فى ربناكبير واعلم ان الله لايغير ما بقوم وكلما اشتد الظلام لاح الفجر
روزاااااااااااااااااااااااا
اخيرا مش تشوفى تلميذتك وتتابعيها نورتينى
عموما انا هااعترف بسر مافيش بوست لى بيتنشر الابعد مايتظبط عندك
هنعيش يعنى هتعيش
شكرا على مرورك واللهى كل واحد بيقول اه بطريقته فيه اللى بيصرخ وفيه اللى بيقولها فى قلبه وفيه اللى بيعمل بدل ما يقول اه بيحط طوبه فى جدار الوطن او يزرع فسيله
تيته نجوى
اهلا بيكى وان شاء الله نتواصل وانا عرفتك عن طريق ام هجوره وعارفه ام هجوره لانها من الناس الرقيقه اللى بتكتب فى موضوعات حميله وكنت بحبها لان اسمها على اسم بنتى وبعدين حبيتها عشان كتاباتها وان شاء الله نشوف وسيله نتعرف اكتر وشكرا على زيارتك
اولا أنا فى غايه الأسف لتأخير لكن والله يا ماما انا سافرت للشغل يوم الجمعه اللى فاتت
ومن هنا من قلب الصحرا لاقيت الفرصه الذهبيه لاتنهل من شهد مدونات مصر الجميله
ثانيا لا اصف لك مدى شعورى بالسعاده عندما فوجئت بمدونتك الجديده لانى كنت منتظر ان حضرتك تعملى مدونه
ثالثا انا كتبت الكومنت من كام يوم وبعد ما خلص النت فصل فاعذرى تأخرى
اما بالنسبه للبوست عجبنى جدا راق حساس موجع وعجبتنى جدا جدا الجمله دى
لوطنى الذى كان عربى
الجمله دى حاسس انها هتلمهنى انى اكتب عن الفكره دى
بصراحه البوست ابلغ وفكرته اروع من ان الواحد يصفه
هو الوطن اللى مكتوب ده يبقى الوطن بتاعنا
يااااه دحنا كان عندنا حاجات حلوة كتير
اعذرونى بقى اصل انا ما حضرتش الحاجات دى
ياترى ولادنا هيحضروا ايه؟؟؟؟؟؟؟؟
يعنى هييجى اليوم اللى يقولوا كان زمان فى حاجة اسمها النيل وكان فى حاجة اسمها بيت العيلة
الله أعلم
تمبو
أبو يوسف
رحله البحث
حمداالله على السلامه بفرح قوى لما الاقى يك منور البوست والاقى تشجيعك وفرحت اكتر بكلمه ماما انا فى انتظار بوستاتك عن الوطن الذى كان
نورتنى
تمبو سابقا
ابو يوسف حاليا
اخيرانورتنى كويس بدل زياره البيت زى بعضه راضيه بزيارتك المدونه اوعى يوسف ياخدك منناوان شاءالله عندنا امل ان هتيجى ايام يوسف وكل اللى فى عمره تبقى احسن من الايام دى
نورتنى وياريت ما تقطعش الزياره
شكرا ياماما
واتمنى اللى جاى يكون احسن. مش عارف ازاى ولا فين ولا امتى بس ياريت يكون كويس وخلاص. الحمد لله على كل شئ
وان شاء الله فى اقرب فرصة هنزوركوا ونجيب شوية ميه عشان نسقى الصبار بدل ماهو دبلان اوى كده
ابو يوسف
إرسال تعليق