الأحد، 7 يونيو، 2009

تيجو نبقى ايتام عند د.عاطف عبيد؟


الأخ الفاضل الأستاذ/ أسامة
سرايا
رئيس تحرير جريدة الأهرام
أطيب تحياتى


أكثب إليكم راجيا أن تعطى
لموضوع إنسانى الدعم الإعلامى
لقناعتى بماتحمله فى عقلك وقلبك
من حب لابناء مصر العزيزة .
زوجتى وأنا قررنا أن نكفل
عشرين من الأبناء الذين فقدوا نعمة
الأم والأب ، أقمنا لهم مبنى لاقامتهم
من الطفولة وحتى الانتهاء من
دراستهم الجامعية ، حرصنا على أن
يكون فى تصميمه وتاثيثه وتجهيزه
مشابها لمنزل كبير لأسرة أو دار
للإقامة فى إحدى المدارس العالمية
المتميزة (المكان محاط بحديقة
وملاعب وبه حمامات سباحة
ومساحه إجمالية 6000متر مربع ).
لا توجد أمامنا مشكلة مالية ،
استطعنا بفضل الله أن نوفر لهم
شهادات ايداع في احد البنوك
وبأسمائهم تعطى دخلا سنويا يكفى لتغطيه جمع النفقات
قات للإعاشة والتعليم فى أفضل مدارس اللغات المشكلت التى تواجهنا، وبعد أن
وصلت أعمارهم ما بين ثلاث سنوات ونصف السنة وأربع
سنوات أن الأطفال يحتاجون في مكان الاقامه للجانب الإنسانى
ممثلا فى أمهات مقيمات لديهن
عاطفة الأمومة بما تشمله من حب
ورعاية واشراف على إعداهم
للذهاب والإياب من المدارس ومتابعة
تطور نموهم الصحى والمدرسى والاجتماعى وعلى استعداد للإقامة
واتخاذ هذه البراعم أولادا لهن .
نحتاج أيضا الى مربيات يعملن
تحت إشراف الأمن فى العناية
بهؤلاء الأطفال : نظافتهم ، التأكد من
، صحتهم اليومية ومن تناول
الوجبات التى تعد فى مطبخ الدار،وتنظيف المكان.
المكان موجود ومتميز، والمال
متوافر والأطفال سعداء وغرف
الاقامه والمبيت موجودة وبالمستوى
اللائق لمدرسه داخلية متميزة .
نخشى الا تكتمل سعادتهم إذا لم
نجد معاونين لنا فى تأدية الرسالة .
أطمع فى أن توجه هذه الرسالة
معى إلى سيدات وشابات مصر
حتى يستطعن أن نكمل ما وجدناه
متمما لرد الجميل لبلدنا العزيز.
د.عاطف عبيد
وحرمه د/نجد خميس
ايه الانسانيه دى اتارى فيه جوانب تانيه عند الدكتور غير البيع

اعتقد فيه خطأ فى الرقم هو يقصد عشرين مليون لازم يعوضهم امال
عشرين طفل بس والعشرين مليون اللى اتباعت مصانعهم وشركاتهم
ماهم من غير شغل ومن غير امل

على فكره احنا ظلمنا الدكتور هو كان بيبيع الشركات والمصانع عشان يريح الجيل الجديد
ومتمما لرد الجميل لبلدنا
مين يلحق حمامات سباحه وملاعب خضرا وقصر واكل وتعليم

هناك 21 تعليقًا:

فارس عبدالفتاح يقول...

أنا سمعت الآفاق أسامة سرايا في احد البرامج الحوارية مع مذيع مش عارف أسمة مين أديب


وكنت لا اعرف من هو أسامة سرايا لأني أقيم خارج مصر أكثر من خمس سنوات ... وقد تركت مصر بما فيها من إحباط وفشل ... وسمعت هذا الأفاق يقول أن السبب الرئيس والجوهري في فشل التعليم في مصر هو مجانية التعليم لأنه يخرج متعلمين غير حقيقيين وانه من أراد أن يتعلم لابد له وان يكون ثري وان ينفق من ماله ومن ليس له مال لا حق له في التعليم

شيء مخيف وشيء رهيب ومزعج الى ابعد مدى دى إحنا يا ولاد الكلب مش محتلين من الانجليز ولا الفرنساويين عشان يبقى التعليم بفلوس

وأنا اتفق معه بان التعليم في مصر لا يخرج متعلمين حقيقيين ولكنه هذا الأفاق بدل ما يقول لابد من تصحيح مسار التعليم في مصر وان يكون تعليم على مستوى الحدث والحديث مجاراة بالتعليم المتقدم في الدول الأخرى وهذه مسؤولية النظام الذي يتحدث باسمه هذا الأفاق القذر

ثم بعد ذلك جلس يمدح ويبالغ في المديح إلى درجة لا توصف بكلام بان النظام تحت حاكمة الرشيد الرئيس الطيار حسني مبارك وصلت الديمقراطية في عهده إلى عنان السماء وناطحت الجوزاء في جلائها

هذا الآفاق وكل من يعمل في النظام أتاح لهم الإعلام أن يقولون ما يريدون ولا احد يستطيع أن يرد عليهم طيب يا ابن الناس ........ أنت كذاب وكذاب خايب تقول كلام ثم تنقضه بكلام آخر في نفس الحوار

طيب ازي يا ابن الناس ........... التعليم فاشل وفيه نظام ديمقراطي هذان الأمران لا يجتمعان في نظام واحد أو دولة واحدة لان الديمقراطية نابعة من حرية التعبير ولا تأتي حرية التعبير إلا من خلال التعليم السليم الذي يبني العقول السليمة والأفكار السليمة التي تصب في صالح النظام أو الدولة إذا وجدت دولة من أساسة ومجتمعها البشري ولا يكون هناك أيضا ديمقراطية إلا من خلال نظام متكامل من الضمان الصحي أو بما يسمى بالأمن الصحي والأمن الغذائي والأمن الاجتماعي بمفهومه الاشمل

فكيف لك أيها الآفاق الأشر تدعي كلام ثم تنقضه

مثله كمثل عاطف عبيد بهذه الدعاية الإعلامية الرخيصة على أساس انه رجل البر والإحسان هذا الآفاق والآفاق الأسبق عاطف عبيد بيفكروني بهامان وفرعون : فرعون يقول لهامان يا هامان ساعدني على أن ابني برج حتى استطيع أن أرى إله موسى

وعاطف عبيد عايز مساعدة من أسامة سرايا حتى يدخل الجنة .. طيب يا عاطف يا عبيد أنت عايز أسامة يساعدك في أيه ده أي شركة توظيف أو شركة دعاية أو أي جريد أو أي تلفزيون أو أي وسيلة إعلامية طلب موظفين أو مستخدمين بمواصفات اللى سيادتك عايزها هتجيلك ملايين من البشر تريد هذه الوظيفة يعني أنت محتاج حد يساعدك في هذا والله العظيم شيء لا يستغرب من هذه العقليات الخربة

وبعدين من أين لك هذا يا عاطف يا عبيد أنت ومن على شاكلتك من أول رأس النظام حسني مبارك وعائلته إلى آخر عسكري في الداخلية

ومن قبله عائلة الآفاق الكبير السادات كلهم مليونيرات إذا مكانوش ملتي مليونيرات يا كلاب يا ولد الكلاب

Om HAGAR يقول...

و الله هو طبعاً الأول الواحد لازم يقول ربنا يكتبه في ميزان حسناته.

بس يعني مش كنا نوفر تكلفة حمامات السباحة و نكتفي بواحد مثلاُ و نقلل من الشكليات و يكتروا عدد الأطفال لإن دا مشروع يستحق الإحترام؟؟

ربنا يسامحه على اللي عمله أيام الخصخصة و يقدره على التعويض شوية بمشروعه دا

shaaban يقول...

يــــااااااااا أنا قلبى قرب يتقطع من كتر المشاعر الرقيقة تجاه الشعب

ارجوكم سيبونى اعيط.. ولا بلاش احسن ابل المدونة كلها دموع

مش هقدر اقول الكلمة اللى اتقالت فى ملحمة"الطريق الى ايلات"
--ياريتنى كنت معاهم ياريتنى كنت معاهم-- لان دى كانت ايام زمان

دلوقتى هقول --يارتنى ابقى منهم ياريتنى ابقى منهم--
طبعا انتوا عارفين نفسى ابقى من مين؟؟؟

عطش الصبار يقول...

استاذ فارس
المشكله ان النس دى فاكره ان التعليم ده رفاهيه ما يعرفوش انه امن قومى وان المؤمن القوى خير واحب الى الله من المؤمن الضعيف وبيفسروا القوى انه صاحب العضلات او صاحب المال ونسيوا انه لازم يبقى صاحب علم وصاحب فكر
شوف الاستاذ بهاء طاهر كان بيتكلم على سياسه التعليم فى مصروازاىتنوع التعليم مابين خاص قوى وخاص نصف نصف وحكومى ادى الى نوع من التعالى التعليمى وليس الفكرى او العلمى اجيال طالعه لاتملك علم حقيقى يفيد البلد ويساهم فى تطويرها ونهضتها
انا شخصيا من النس اللى استفدت من العلم من خلال العداله الاجتماعيهاللى كانت سايده فى الزمن ده
وغيرى ايضا ومعظم علماء البلد ومثقفيها وصناعها وسياسيها هم ايضا من الذين استفادوا من هذه المرحله
ولكن البعض انقلب عليها على الرغم من استفادتهم منها
ومازلت اذكر مقال للكاتب الكبير احمد بهاء الدين وهو يكتب عن هؤلا الذين استفادوا ثم انقلبواعلى ماضيهم يحاولون الالتصاق بطبقه غير التى نشأو فيها مدعين انهم من اولاد البشاوات ولولا التعليم لظلوا اولاد__
ولعل لنا فى رسول الله قدوه حسنه فقد كان يعفوا عن الاسرى الذين يساهمون فى تعليم المسلمين
كذاللك كان يدعوا لطلب العلم ولو فى الصين اليس هذا تكريم للعلم واهميته
هم يريدون امه من الجهلاء لايدركون انهم اول من يعانى من مثل هؤلاء ولنا مايحث فى المجتمع الان من سلوكيات اجراميه وحاقدين ولصوص تحول مجتمعنا المتسامح الى مجتمع غريب وعدوانى عافانا الله
تقبل تحياتى

رحله البحث يقول...

وليه تاعب نفسه ماهى البلد كلها بقت ميتم كبير اوى بعد ما يتموا الشعب كله
بس الفكره مطبقه فى اوروبا من فتره وخاصه المانيا وهى فكره توفير جو اسرى للاطفال الايتام يعنى يعيشوا فى منازل منفصله مش عنابر كل تلاته او اربع اطفال معاهم ام بديله بتقوم بدور الام كمان فى نفس المكان فى بيوت لرجال مسنين كل واحد منهم بيبقى مسئول عن اسره من دى كمتابعه ومذاكره للاطفاليعنى يقوم بدور اب بديل
الفكره فى حد ذاتها رائعه بس ياريت تتطبق صح
اما بالنسبه للنوايا الله اعلم

عطش الصبار يقول...

ام هجوره
نورتينىووحشتينى
انا ضد سياسه افقارالناس ثم الاحسان اليهم بعد كدا
الاحسن انهم بدلا من بيع شركاتهم ومصانعهم ونخلق مجتمع اغلبه من الشحاتين المنتظرين الاحسان
والمؤمن القوى خير واحب الى الله من المؤمن الضعيف وبال ولادنا ما يهاجروويهربوا من وطنهم بحث عن لقمه عيش شريفه هذا يعطيه وهذا يمنعه كنا حافظنا على مصانعنا وطورناها وحاسبنا المهمل وسجناه بدلا من تركه يهرب اليس كل شركه او مصنع هناك مسؤلين عنها لماذا لم نحاسبهم بدلا من تعمد ترك تلك الشركات تخسر ثم بيعها بابخس الاسعار
الم يحاسب رسول الله القائمين على بيت المال تخريب البلد كان متعمدوالله اعلم
نعود الى خطاب الدكتور وهو يطلب امهات تعمل تحت اشراف الامن اىبيت هذا واى نشءهذا الذى يكبر تحت رعايه الامن
ولماذا لم يعلن فى صفحه اعلانات كما اشار الاستاذ فارس عبد الفتاح هى دعايه ياابنتى
انا اعلم ان زوجته تقوم باعمال خيريه كثيره ولكن ماذا عن الاحسان الذى لاينبغى ان تعلم يدك اليسرى ما اعطت يدك اليمنى
تقبلى تحياتى ياحبيبتى

عطش الصبار يقول...

شعبااااااااااااان
تمبو
ابو يوسف
ايه الكتابات الرائعه دى واللهى انت كل يوم بتفاجئنى
اوعى ياتمبوا تبقى واحد من اياهم خليك واحد مننا فى القيم والمبادىء مافيش كلام جديد وقديم
واعتقدش واحد زيك عنده الروح البريئه والاخلاق العاليه يبقى منهم
نورتنى ونفس تجيب يوسف اشوفه
سلالالالالالالالالالالالالالالالالالالالام يا مثقف

Rosa يقول...

ماتقلقيش يا ماما هو بدأ بالعشرين دول و الباقي عليه الدور لا تقلقي
الايتام كتير و اللي بيتيتموا لسه هيبقوا اكتر في الي بينتحر و في الامراض بتموته و في اللي عايش بالقصور الذاتي مش اكتر
فبشرى لاجيال المستقبل بابا عبيد هيظبطهم
و فرصه نزود فرص المرأه في الشغل و اهو كله بثوابه

عطش الصبار يقول...

رحله البحث
انت فين وفين جديدك ربنا معاك
هى طبعا الفكره جيدهلكن القلق من انها واخده شكل الدعايه وبعدين بيطلب امهات تعمل تحت اشراف الامن حسب رسالته مش عارف هيبقوا ايه الاطفال دول
ممكن يبقى فيه علاقه طبيعيه بين ام بديله واطفال تحت حراسه الامن ما اعتقدش انهم يبقوا اطفال اسوياء
يلا الله اعلم فعلا بالنوايا
فى انتظار ابداعتك

عطش الصبار يقول...

روزا
وحشانى ووحشانى بوستاتك من زمان
دايما كان تخيلى للمجتمع الاسلامى انه مجتمع قوى خالى من الامراض والفقر ويبقى فيه مساواه لكن الاستعراض بحمامات السباح والحدائق لعشرين طب باقى الايتام اللى بيحصلوا على فرص حياهمعقوله بالعافيه زى ام هاجر ما قالت بلاش دا كله والباقى يتوزع على ايتام تانين ونوسع دائره العطف
نورتينى

well يقول...

يا سلام ناس طيبيييييين اوى
هو مش عاطف عبيد ..بس ابن حلال
روح ياشيخ الهى ما ترجع
.....تحياتى

dr aly khamis يقول...

السلام عليكم و رحمة الله و بركاته
ا / أم روزا
هو حضرتك بس مختيش بالك هما دول أول عشرين و لما يخلص عليهم هيخش على العشرين اللى بعدهم ...
هو حس انه مقامش بواجبه ناحية الأيتام أيام ما كان فى السلطة ( بفتح السين و اللام و الطاء )
كان كل تركيزه وق5تها على العائلات و عقبال ما خلص عليهم يعينى الحسودين و الحقودين و اعداء النجاح لم يعطوه الفرصة ...
و بعدين الراجل جد أهو عامل اعلان فى اكبر جرنال فى مصر ... منتهى الإخلاص ...لا يريد الأجر إلا من الله؟؟؟!!!

تقبلى تحياتى الخالصة
بارك الله فيك

عطش الصبار يقول...

ويل
اهو راح امال هو باعت الرساله الانسانيه دى ليه عشان نفتكره هو حس ان الناس نسيته
تقبل تحياتى

عطش الصبار يقول...

دكتور على

الحمد الله انه ماخدش باله من الايتام لما كان فى السلطه(بفتح جميع الحروف)والاكان باع دور الايتام وقال دى مشاريع خسرانه
تقبل تحياتى

osama44 يقول...

انا اعتقد انها نفخه اعلاميه علشان يظهر من تانى فى الاعلام
بوست رائع

Soul.o0o.Whisper يقول...

السلام عليكم و رحمة الله و بركاته

فى المواضيع دى بالذات
مش باحب اعلق


و مش لاقية غير ...
اللهم ارحمنا برحمتك



تحياتى لحضرتك

د/عرفه يقول...

يعنى
لازم يعملوا شوية راحة من النهب
يعنى هيكون كله نهب نهب

لازم شوية كده للتغطية
والاستهلاك
ولكلام الناس

ربنا اعلم بالنوايا

بس ده الواضح قدامنا

صبرني يارب يقول...

قوليله ولووووو يا فندم

مش دى الى هاتكفر عن سيئاتك رد الاموال لاصحابها مش للايتام

الله اعلم لكن ثقتى فى عدل الله ورحمته تخلينى اقول

ولووووووووووو مش بالبساطه دي

ولي الامر الى يسرق زيكم مالوش عذر

حسبنا الله ونعم الوكيل

د/عرفه يقول...

صحيح انك كنت عايز اقول حاجة كمان


اظن اللى بيعمل الخير صحيح
بيكون محتسب ثوابه وجزاءه عند ربنا

وبيكون مش منتظر حد يتكلم عليه
او حد ينشر اللى بيعمله

ألا بقى لو كانت فى نيته حاجات تانية

د. ياسر عمر عبد الفتاح يقول...

أنا شخصياً لا أجد فارقاً كبيراً بين عبيد ونظيف
كلهم عرائس علي مسرح تافه يتحركون وفق نظم وخطط مرسومة مسبقاً , هم لا يملكون شيئاً.

اللؤلؤة يقول...

عطش الصبار
السلام عليكم
تقبل أسفى لتخيرى عنك نظراً لإنقطاع النت عنى لمدة يومين
عاطف عبيد باع البلد وشرد آلاف العمال جاى الآن ويقول رعاية اليتامى وحمامات سباحة المفروض يرعى مع اليتامى كل عمال مصر الذين شردهم نتيجة بيعه لكل المصانع والشركات التى كانت مصدر دخل لهولاء العمال حتى يكفر عن ذنبه
تقبل مرورى