الخميس، 18 يونيو، 2009

زعلانه مِنك


فى كتاب الالم للكاتب المبدع جمال الغيطانى يتحدث عن الكنه فيقول .... (للالفاظ المجرده مدلولاتها، وبعضها يبث حقبا كامنه فى الروح هذه الكلمه المصريه التى ترد خلال حوارت قومى ، وغالبا ما تردف بها >اللمه< تعنى عندى امورا شتى منها الامان والرضا ودنو الاهل من بعضهم وتواصلهم باللفظ ؛بالنظر بتلمس شتى عناصر القربى. تعنى عندى السكينه ودفء الاسره واكتمالها).

اتوقف امام هذه الكلمات..... اغمض عينى على ذكريات زمن آخر كنت اعيشه حتى الثماله منذ وقت قريب. احمل هذه الذكرى اينما ذهبت ذكرى (الكنه) ..... في ليالى الشتاء خاصة نجلس سويا، نقترب من بعضنا يدفئنا الحوار والضحكات والطعام الساخن والتسالى ياخذنا الحنين الى ذكريات طفولتهم ومغامراتهم يغريهم الدفء والامان با عترافات ظلت لسنوات حبيسه صدورهم خوف اغضابى ... يفاجئهم انى كنت اعلم ... يضحكون من اسرارهم الصغيره وجهدهم الضائع فى اخفائها .... تطول السهره و يتسلل البرد هاربا من دفء اللمه .... ياخذنا الامان الى رحله النوم .... اتامل الوجوه المستسلمه لذلك الحنو والامان .... يأخذنى الخيال ... ارى الوجوه تزداد عددا وتتسع دائره الكنه ... اسمع الاصوات الِصغيره ... كان هذا حلمى الصغير ايام كثيره مرت ومازال الحلم الصغير... ولكن زاد عدد اصحاب الحلم الصغير.... يكبر الجميع ... وتمتد جذور الحلم فى الارض.... يفتحون قلوبهم واذرعهم على اتساعها .... يحضنون بلادى التى كانت بطلة حواديتى لاعوام واعوام ... هى من ستفتح ذراعيها للمحبين من اولادها ومن اغضبها ستسامحه.... تغلق امى الابواب فى وجوهم يبحثون لايريدون الرحيل .... يتشبثون بها .... الحلم موجود فى بلادى ... تمر الاعوام يتطلعون الى افاق الحلم الممكن ليكتشفوا انهم يطاردون سراب الحلم المستحيل ... تمد البلاد يدها فقط لتلقى بهم خارج الحدود ... حدود اللمه والامان والحلم الذى لم يعد ممكن .... تمر الايام وينشرخ جزء من جدار الروح .... يزداد الشرخ اتساعا .

استيقظ ليلا لابحث عن ليالى السمر والامان والدفء ... اجول فى كل الحجرات ... اتحدث الى صورهم وافتقد اللمه ... اخرج الى الشرفه ... اراقب البيوت الصغيره النائمه فى حضن الليل واتسائل على ماذا تغلق الابواب ... هل مثلى على احلام بعيده؟؟ .

ياتى الخريف ... يحتل جميع الفصول فى قلبى... تحترف عيناي السياحه فى اتجاه النجوم لعلى امسك بذلك النجم الذى يضىء سماء الغائبين ... ولكن حتى هذا محرومه انا منه فعندما انظر الى نجم يظل واحد هنا.... تكون الشمس تشرق عند الاخرى هناك فافتقد الكنه حتى فى الخيال ... احرم حتى من اللقاء تحت بريق نجم واحد و طلة شمس واحده او حتى قاره واحده .

اهرب من كل هذا... لعل فى مشاركة الاخرين همومهم ما يخفف عنى، واانس به .... ادخل عالم المدونين اجده عالم من المغتربين ... من تغرب فى بلده ومن هرب منها... كل اراد حياه كريمه لاتحرمه من الحلم واللمه ... ولكن بلاده تضن عليهم بهذا الحلم الصغير.

ادخل مدونه هنوده (غربه)لااجد سوى الغربه والحلم بالعوده بالامس ادخل عند د.على الخميسى يبكينى اشتياق اولاده وزوجته له وغيرهم من المدونين الذين جعلوا من الكتابه وطن يبثوه همومهم وغربتهم واشتياقهم .
زعلانه منك يا بلدى .......... ليه غربتينا جواكى وحرمتينا من حضنك مع ان حضنك واسع باتساع المدى .... بس خلى لكل الناس مكان فى حضنك يا بلدى ... كلنا بنحبك كان نفسى ولادى يكون ليهم مكان يعيشوا فيه بكرامه هما وغيرهم .... كان نفسى تضمنى وياهم نفس الارض ولو على بعد ساعات هاروح لهم ولو زاحفه .... نفسى انام وانا تحت نفس السما واتنفس نفس الهوا.

عرفتى يا بلدى ليه زعلانه منك ؟؟ زمان كنا بنتغرب عشان نعلم اخواتنا ونداويهم وبعلمنا نساعد فى نهضتهم دلوقتى ولادنا بيعتبروهم شحاتين مهما يشتغلوا ومهما يعملوا عمرهم ماحسوا ان اخوتنا بيقدروهم .

زعلانه منك يا بلدى.

هناك 42 تعليقًا:

اللؤلؤة يقول...

عطش الصبار
السلام عليكم
صعب جداً أن تشعر بالغربة فى بلدك وتفتكر إلى اللمة التى كانت تجمعنا كعائلة واحدة فى بيت واحد ليأتى علينا الليل فنتجمع كلمة من هذا وضحكة من ذاك كنا نسيتظل بظل رجلا واحد نتألم جميعا لألم أى منا ونفرح لفرح أى منا ولكن الآن هيهات أصبحنا غرباء فى بلدنا ويا للأسف .....
دمت بكل الخير

شموع يقول...

السلام عليكم
إحساس قاسى جداً أن تشعر بأنك غريب فى بلدك هذا الإحساس الشعور بعدم الإنتماء لهذا البلد
تقبل مرورى

dr aly khamis يقول...

السلام عليكم و رحمة الله و بركاته
آآآآآآآآآآآآآه
أختى أم روزا
ذبحنى كلامك
اكتب أوقات عن الفراق و الغربة و أحاول فى الأغلب أن اتجنب ذلك حتى لا انكأ الجرح الذى احاول تجاهله...
لكنى أريد أن أبثك خبرا يهون علىّ
إن شاء الله آخر سنة غربة
سأكون بإذن الله مستقرا فى محبوبتى الأسكندرية مع نهاية العام ..
إن شاء الله إلى الأبد ...برغم صعوبة القرار ( ماديا ) إلا أنى مرتاح جدا له و ليكن ما يكون
سأشترى ( الكنه ) بكل ما استطيع أن أدفع ... لنا عمر واحد فى الدنيا ...
سأحاول أن أجعله لله وسط أهلى .... أسألك الدعاء
بارك الله فيك
تقبلى تحياتى

osama44 يقول...

كلامك اثر فيا بجد
ومش انتى بس اللى متغربه فى بلدك انا ساعات بقول انى البلد دى مش بلدنا دى بلد الكبار واحنا عبيد عندهم
بوست اكثر من رائع
دمتى بخير وسعاده

عمرو يقول...

مش عاوزين نوصل لهذه المرحله من الشعور المتأصل بالغربه علشان نقدر نكمل المشوار كما أراده لنا الله ..
معاكى أن شعور الاٍغتراب قد ينتاب الاٍنسان و هو حتى داخل بيته .. لكن اٍنعكاسات هذا الشعور على النفس أقسى منها مما لو كانت مشاعر اٍغتراب حقيقيه ..
تقبلى تحياتى و تقديرى ..

Om HAGAR يقول...

وجعتني جداً التدوينة دي بس أنا عايزة أقول لحضرتك زي ما بنزعل من بلدنا لازم نزعل من نفسنا كمان هو احنا كنا عملنا ايه علشان نصلح بلدنا؟؟

ما احنا استسلمنا و قلنا مش هنعرف نعمل حاجة احنا ضعاف و كانت النتيجة انها غربتنا ححتى و احنا في حضنها

لازم نراجع نفسنا الأول فكلنا مسئولون و بعدين ما ربنا قال لنا أنهلن يغير ما بقوم حتى يغيروا ما بأنفسهم و لا ايه؟؟

المهم في الكلام دا كله اني بدعي لك ربنا يصبرك و يقرب البعيد و ترجع اللمة تاني إن شاء الله في أقرب وقت ممكن :)

عطش الصبار يقول...

اللؤلؤه
نورتنى واللهى
ارجو بس ان الغربه ما تتمكنش من نفوسنا شكرا على مرورك

عطش الصبار يقول...

شموع
والهى انا زعلانه بس منها لكن انا انتمائى ليها ما لوش حدود وطبعا احنا بنزعل اكتر من اللى بنحبهم
شكرا على مرورك

عطش الصبار يقول...

ابنى د.على
على فكره عايزه اعترف لك بحاجه بس ما تضحكش علىّ لما فهمت انك متغرب تحت نفس الشمس الى بتشرق على ابنى وبتتنفس نفس الهوا ببقى نفسى اعمل زى الناس الطيبين واقولك والنبى خلى بالك منه
اوعى تضحك علىّ
ربنا يرجعك بلدك بالسلامه تنورها ويكبروا ولادك فى ظل (الكنه واللمه)
وتكون مصر اتعافت من الامها وتلم ولادها فى حضنها
ان شاء الله

عطش الصبار يقول...

الابن اسامه
والهى هى بلدنا برضه
ومصيرها تتعافى وتعرف مين بيحبها حقيقى ومين بيستغلها
نورتنى

عطش الصبار يقول...

استاذ عمرو
اخيرا نورتنى
واللهى هى لحظه ضعف انتصرت على تجاهلى لهذا الاحساس كثيرا ماحاولت الهروب من ذلك الشعور ولكن عندما يذكرك كل شىء حولك بالابواب المغلقه فى وجوه الكثيرين تدفعنا دفعا بعد طول طرق عليها ان لاامل لك
هى لحظه عتاب
تقبل تحياتى

عطش الصبار يقول...

ام هجوره
مش معنى العتاب انى مش بحب بلدى ,امى
لكن عاوزاكى تتخيلى مجرد خيال فقط ان هجوره كبرت وما لقتش لها مكان فوق ارض بلدها وبعدت عنك الاف الاميال
بالرغم ان ما كنش فى خطتك ولا ختطها انها تسيب بلدها
قوليلى شعورك ايه
ربنا يطمن قلبك وتفرحى بهجوره
لكن واللهى انا بحب بلدى قوى يمكن انا ذكرت فى البوست انها بطله كل حواديتى لااولادى
تحياتى سلامى لهجوره

dr aly khamis يقول...

أمى الكريمة
مش بضحك و الله لأنى فعلا هخلى بالى منه

هدعيله

ربنا يوفقه و ييسر له الخير كله فى الدنيا و الآخرة...
و يبعد عنه الشر كله فى الدنيا و الآخرة ...

تقبلى تحياتى

Rosa يقول...

بوست صعب قوي يا ماما كل ما اقراه مقدرش اعمل حاجه غير العياط
حساكي يا ماما و مفتقده كل حاجه كنا بنعملها سوا
حتى ابسط الحاجات ... تعرفي ان كل حاجه كنتي بتعمليها و انا ادلع و اقول مابحبش اكلها بقيت بكلها بس عشان شبه حاجه كنت بتعمليها ... بقيت باكل شوربة لسان العصفور كمان:)
انا كمان زعلانه منها قوي قوي
واحشني كل حاجه كنا بتعملها سوا كلنا
بس املي و ثقتي في ربنا كبيره انه هيجمعنا تاني كلنا قريب ان شاء الله

daktara يقول...

عن قصة مختل, التي نشرتها في مدونتي

حقيقة لقد صدمت في مشاعري عندما وجدتك لم تعي في النهاية من هو المختل
ارجوا منك قراءة القصة مرة اخري
وانتظر منك تعليق جديد

شكلها باظت
انظر حولك
د. خالد عزب

well يقول...

يكبر الجميع ... وتمتد جذور الحلم فى الارض
مصر هى امى ..ولكن هل انا ابنها
اذا رحل هؤلاء فأنهم رحلوا لانهم لم يشعروا بأمومتها
كلامك وتعليق روزا بجد اثروا فيا
تقبلى تحياتى الى ان تعود بلادى كما كانت ..بلادى

well يقول...

على فكرة الغربة وحشة ..لكن الحياة هنا اوحش

فارس عبدالفتاح يقول...

الشكر الجذيل لك اختنا الفاضلة / عطش الصبار على سؤالك عني وعن احوالي وهذا فضل منك ممتن له

اما عن المانع بصراحة فيه موضوع شاغل بالي بأله اكثر من اسبوع او اكثر في مدونة الاخت المدونة / نون جلست اسبوع او على ما اعتقد اكثر من اسبوع اتابع فيه حتى اخرج بنتيجة فخرجت منه بنتائج كثيرة ومهمة جداً وهو امر ارهقني كثيراً

اما عن موضوعك فانا لم افهم الكنه الا بعد قرأة الموضوع فهل تقصدين السكون والاقامة مع الاهل والاحباب .. فاذا كان هذا صحيح فهو امر جميل

ولكن

انا وهذا من وجهة نظري وتجربتي ان الكنة تورث الدعة والراحة وحب الاستطراف وهذا امر مرفوض لنا جميعاً انا خارج مصر منذ اكثر من خمس سنوات ولم احس بالغربة الا في اوقات الاجازة فقط لاني لا اجد من يملئها علي ويهون على مرور الساعات المملة المرهقة المذعجة اما في غير هذا فانا اجد نفسي احسن بكثير من وجودي بين الاهل والاصدقاء والاحباب وجيوبي فارغة لا يوجد بها الا الهواء المطلق

عطش الصبار يقول...

د.على الخميسى
شكرا لك والف مبروك قرب اقتراب تحقيق الكنه بارالله لك ولزوجتك وابنائك وجعلهم قره عين لك
تقبل تحياتى

عطش الصبار يقول...

روزا حبيبه قلب ماما
شكرا على مرورك
هيا الحياه كدا ياروزا
انا متفائله باكتمال الكنه ان شاء الله
وزيادتها كنتم تلاته وبقيتم سته وفى انتظار زيتونه ان شاء الله نبقى سبعه
هيحمعنا الحب والامل والفرح ونكون كلنا فى حمى ربنا ورضاه عنكم
الى لقاء قريب ان شاء الله
قبلاتى

عطش الصبار يقول...

دكتره
عذرا معك حق لم اقرأ جيدا
نورتنى

عطش الصبار يقول...

ويل
معاك الغربه وحشه
لكن الى حاصل فى مصر تركيبه معقده
اساسها اقتصادى
لان الناس لما مابتلاقيش الحد الادنى من احتياجاتها مفاهيمها بتتغير وبتقع فى براثن العنف والانتهازيهواشياء اخرى كتيره من امراض المجتمع وهنا ولادها الحقيقين بيهربوا
لكن ان شاء الله هييجى يوم وتتعافى
وتلم ولادها فى حضنها
تقبل تحياتى

عطش الصبار يقول...

استاذ فارس
حمدالله على السلامه اولا
يجبنى فى بوساتك انها غالبا ما تكون موثقهوهذا دأب المثقفين الحقيقين
مدونه نون ايضا رائعه اكتفى بقرائتها
ولا يصلح للتعليق عليها سوى امثال الاستاذ فارس
اما الكنه التى اقصدها فهى الائتناس بلاهل والاحباب والسكون اليهم
وانا معك ان الاغتراب افضل من الجلوس مع الاحباب بجيوب خاويه لانها فى النهايه ستؤدى الى نتائج اقسى وهى الاغتراب ونحن فى وسط الاهل
ولكنها كانت رساله عتاب لكل من استحل مقدرات البلد وعمل على افلاسها بالهروب باموالها وسرقه الاف الافدنه وغيره وغيره
وحرمان ابنائها من خيراتها وافقارها
وتغريبهم فى بلاد لاتقدر جهودهم
وبعدين لازم القوميين العرب يسأوا عن بعضهم ونحن نحمل نفس الفكر
تقبل تحياتى

المهاجر يقول...

عطش الصبار اللمة هى ما يميز شعبنا ولكن الفرقه أو الغربة فهى اصعب شى لأننا شعب نحب التجمع والسمر
وأيضا لو لاحظ أحد أن الفراق لا يكون إلا لشئ شديد

تقبلى تحياتى

انت تسال والكمبيوتر يجيب يقول...

سعداءبالمرور هنا وندعوك للأشتراك فى برنامجنا الأذاعى من الأذاعه الرئيسيه لمصر اى أذاعة البرنامج العام ويذاع يومياالتاسعه وعشر دقائق صباحا عدا الجمعه.


المدونه
http://netonradio.blogspot.com
الموقع
http://stop.to/cairo

تحاتنا وامنياتنا لك بالتوفيق

هانى سعيد يقول...

مش لوحدك اللى زعلانة من البلد للاسف بلدنا بقت قاسية قوى على ولادها وولادها بقوم يفضلو انهم يموتو فى حضن البحر الغريب على انهم يموتو فى حضن النيل الجميل وتراب مصر لاسباب كتيييييييييييييير قوى انتى عارفاها لكن
هيفيد بايه الكلام
سلام

ن يقول...

السلام عليكم
الاخت الفاضلة .. عطش الصبار
أولا أشكرك جدا على الزيارة الكريمة
ثانيا .. يا اختى الكريمة المدونات حاليا تأخذ شكل من أشكال اى مجتمع ولكنها تتميز بعدم وجود ماسكات خاصة اذا كانت هادفة فكل منا يعرض ما عنده ويعبر عنه وعلى طبيعته وبعيدا عمن أساءوا استخدام هذا العالم الحر الذى يجب ان نسعى جميعا بأن نرتقى به فالمدونات مادة جيدة لمحبى المعرفة وكلنا نتعلم من بعضنا ما نفتقده أنا شخصيا استفدت كثيرا وتعلمت من افكار الغير وعلومهم واتبادل الافكار مع الاحتفاظ بفكرتى الاساسية التى قامت عليها مدوناتى ورغم تعرض مدونة نون بالذات لكثير من الهجمات الا اننى استفيد من كل كلمة تكتب ولا أحذف الا مالا يليق وقد يجرح القراء .
أختاه .. انا أنادى عليك من جهة أحبها وهو معرفتك أو خبرتك فى علم الاثريات أو الاثار فأرجو منك أن تمدينا وتعرفينا على هذه الخبرة .
تعرفى ليه انا بحب البلد دى رغم الالم والمعناه التى يعيشها الشعب المصرى باختصار انا بحبها من تاريخها القديم وظنى بأن المصرى الذى ترك لنا هذه الحضارة لا يمكن أن تكون هذه نهايته أرجوكى دعينى أحلم معك بالا نقطع الامل
وان نصحح ما زيفوه لنا من التاريخ وان نقتدى بما خلفه لنا أجدادنا وأننا لسنا غرباء فى أرض نحن حقا من نبتها الطيب هى مصر التى كرمت فى كتب الانبياء وشهد لها القرآن .
بلاش نزعل من مصر علشان أشخاص تحكموا فى الناس بغير حق وأساءوا الى قديسية هذا الوطن الكريم .
مصر بتحب اللى بيحبهاوأظن ان زعلك من فرط عشمك .
انا منتظرة تقحمينا فى مجالك .
مع خالص تحياتى

عمرو يقول...

وأنا كمان زعلان يا عطش
بس يظهر إن البلد ما عادتش بلدنا..
على فكرة أنا مش واخد موقف شخصي من مدونتك ولا حاجة. أنا مش بازور أي مدونة تقريباً ليا أكتر من شهر غير لما صاحبها أو صاحبتها يقولولي فينك.. ومش عارف ليه..
أنا هاحاول أخرج من الحكاية دي
تقبلي تحيتي
:)

احنا يقول...

الغربة فى وطنك
هو أسوأ المشاعر الانسانية
التى تجعلنا نشعر بالاختناق وعدم جدوى الحياة لذلك لابد لنا ان نصارع هذه المشاعر ونكون المؤسسون الفعليون لوطننا ولو بكلمة نغرس بها امل فى نفوس اطفالنا
وقد صدق نزار قبانى عندما قال :
يا أيها الاطفال من المحيط إلى الخليج
أنتم بذور الخصب فى حياتنا العقيمة
وأنتم الجيل الذى سيهزم الهزيمة
--------------------------------
مع تحياتى / حازم ربيع

Haytham Alsayes يقول...

والله عندك حق انا ساعات كتير بحس ان انا مش عايش في بلدي احس ان عايش في بلد بعيد وعاوز سنين عشان ارجع تاني لمصر

انت تسال والكمبيوتر يجيب يقول...

سعداءبالمرور هنا وندعوك للأشتراك فى برنامجنا الأذاعى من الأذاعه الرئيسيه لمصر اى أذاعة البرنامج العام ويذاع يومياالتاسعه وعشر دقائق صباحا عدا الجمعه.

التفاصيل فى
المدونه
http://netonradio.blogspot.com
الموقع
http://stop.to/cairo

تحاتنا وامنياتنا لك بالتوفيق

عطش الصبار يقول...

المهاجر
نورت المدونه وشكرا على مرورك
طبعا ماهو الشديد هو اللى بيخلى الناس تتغرب
تقبل تحياتى

عطش الصبار يقول...

استاذ هانى سعيد اهلا بيك
نورتنى
ايه الفرق بين الموت فى البحر او الموت فى نهر النيل كله موت
احنا عايزين نستمتع بنعمه الحياه اللى ربنا وهبها لنا ونعيش فى بلدنا
تقبل تحياتى

عطش الصبار يقول...

الاستاذه امل
شكرا لك على تشريفك لمدونتى المتواضعه
طبعا زعلى من بلدى زعل العشم ولانى درست اثارها وتاريخها فاعلم انها مرحله وستنتهى بخيرها وشرها لان التاريخ دايما بيقول كدا ولنا فى تاريخ مصر اللى مر عليها الاف السنين دابوا فيها مسعمريها ولنا فى اشد العصور ظلام عصر المماليك كل هذا مر وانتهى وستمر الايام والسنين وستظل مصر ولكنى اصبحت اخاف على بنيها كانما هناك من يدفعهم دفعا لفراقها واعمار بلاد غيرها
وان شاء الله بعد عودتى من الولايات المتحده الامريكيه لانى باستعد هذه الايام للسفر اليها فى زياره قصيره لابنتى المقيمه هناك سوف احاول ان البى رغبتك بان نعمل رحله الى الماضى من خلال الاثار مع العلم ان دراستى هى الاثار الاسلاميه
وان عالم الاثار الفرعونيه هو الذى يخلب لب ويثير خيال المهتمين بالاثار
مره اخرى شكرا على زيارتك
وتفبلى تحياتى

عطش الصبار يقول...

استاذ حازم ربيع
شكرا على مرورك واتمنى ان فعلا الاطفال تكون حياتهم افضل تقبل تحياتى

عطش الصبار يقول...

استاذ هيثم
ان شاء الله تكون الايام الجايه اجمل من دلوقتى وهيجى يوم تحس بالامان فى حضن بلدك
شكرا على زيارتك

shaaban يقول...

أمى العزيزة :
انا فعلا عارف ان الكلام اللى بتكتبيه كله نابع من فراغ كبير وصعب جدا حصل كله مرة واحدة. فعلا موضوع كان صعب عليكى ان اتنين من اولادك يبعدوا عنك مرة واحدة لكن لا أملك الا ان ادعى لكى الله ان يجمعكم على خير فى أرب فرصة
"أسل الله العظيم رب العرش الكريم أن يجمعك بأولادك فى أقرب فرصة وتكونوا جميعا بصحة وسلامة"

تمبو

بحب الحكومة يقول...

لكل مفردة دلالتها ولكل احساس مدلولاته
ولكل كاتب رؤية وفكر

احييك جدا ولابد من اعادة صياغة الفكر الراهن لسيادتكم للتأقلم
والتغيير

حلم بيعافر يقول...

دائما ماابحث عن اللمة دى
نفسى اجرب الشعور ده

عمرو يقول...

بقالك كتير مش بتكتبى ليه ؟؟
أتمنى أقرا لك بوست جديد عن قريب اٍن شاء الله ..
تقبلى تحياتى و تقديرى ..

ن يقول...

الاخت الفاضلة .. عطش الصبار
أشكرك جدا على دوام التواصل واتمنى ان تعودى الى التدوين والوطن بالسلامة
لك منى كل التقدير والاحترام
مع خالص تحياتى

Hannoda يقول...

البوست ابكاني.. قلتي كلمات عتاب ياما حاولت امنع نفسي عنها و اكتمها واغمي عيني عشان ما تشوفها و ابرد قلبي عشان مايحسهاش

بس فعلا بلدنا ضاقت بينا
كتير بسأل نفسي يا ترى الغلط فيها ولا فينا
هي اللي حرتمنا ولا احنا اللي مش قادرين نرضى بيها

السؤال ده جارح
و الاضرار للم الشنط و تقفيل البيوت كمان جارح
لما يفاجئنا الرجوع ان مافيش اي سند ولا ظهرر غير شقة و رصيد في البنك بيقى الجرح أقوى و أقوى
وأما تلاقيها قافلة بابها قدام سنين عمرك وتقولك ما ترجعيش غير لما تعمليهم
لازم تزعلي منها... تصدقي ماكنتش اعرف اني زعلانة منها غير لما فضفضت دلوقتي