السبت، 16 يناير 2010

روميو


يأتينى صوته واهنا
يهوى قلبى
اصغى جيدا اهو صوته حقا؟
مالذى حدث بين اليوم والامس؟
يحاول طمأنتى
لكن شيئا ما يعصر قلبى
احاول الهروب من الفكر الى الجريده
تتجول عيناي بين الصفحات ... ولكن دون رؤية الحروف ودون الامساك بجمله
يردد قلبى ماذا بك ياولدى الذى لم انجبه وسكن الفؤاد
قلقه عليك انا الى حد البكاء
بالامس اخبرته ان وجوده فى حياتى
يشعرنى بالامان
منذ سفر ابنى لايمضى يوما دونما اتصال
يسأل عنى ويبث الامل والبهجه فى حياتى بحلو حديثه
فلتترفق بى يا ولدى ولا تستلم
فأنت الباقى لى فى غربتى بعد سفر الاحباء
احاول الهروب من افكارى مره اخرى
اغمض عيناى تنطلق عصافير الذكرى الى فضاء الماضى
لتنهل من نبع الذكريات
اذكره مذ كان صغيرا يأتى ورفاقه الثلاثه يمارسون ذالك الطقس الاسبوعى بالتلاقى قبل صلاه الجمعه
ارقبهم كانوا مشغولين بذلك الحماس الذى يغلب على من هم فى سنهم فلم ينتبهو لى
لم اعلم ساعتها لماذا سكن قلبى منذ طفولته؟
وما الذى جذبنى اليه
اهو هدؤه ام تلك العينان الصغيرتان التى ينداح منها ذلك الذكاء العميق
ام تلك الحركه اللااراديه عندما يخفى وجهه بأحدى الوسائد الصغيره عندما يغضبه او يستفزه شيئا ما
كان رجلا فى جسد طفل
مياه كثيره مرت من تحت الجسور منذ ان حصلوا على شهاده الثانويه العامه
تفرعت بهم الطرق ولكى سرعان مالتقوا مره اخرى
يفاجئنى ظهورك مره اخرى فى حياتى
عندما كنت مثل قارب تائه يبحث عن مرفأ بعد سفر الاحباء
وعندما كنت تهاتفنى اجدنى احتضن صوتك كأنما احتضن الكون كله
كلا يا ولدى لا تؤلمنى بمرضك
فمعك استنشق هواء ذكريات زمن اخر حمل لى عمر من السعاده
استمد من ضياء الرجوله والبراءه فى محياك قوتى
على تحمل بعد الاحباء
فى انتظار هاتفك

هناك 46 تعليقًا:

عمرو يقول...

بصراحة مش فاهم قوي
بس واصلاني مشاعر مختلطة. على العموم فيه ناس كتير أقرب لنا من ناس قريبة..
تقبلي تحيتي يا عطش الصبار
:)

well يقول...

قلب كبير
جميعنا ابنائك
اعلمى لو توصلناالى هاتفك سوف تجدى كل صباح ومساء على هاتفك
(لديك مكالمة لم يرد عليها )
(كلمنى شكرا)
(اشحلنى شكرا)
(لديك رسائل جديدة)
تحياتى

انا روميو يقول...

انا عاوز اصرخ واقول لكل الناس واشاور بصباعى واقول انا انا انا انا انا انا انا اللى بتتكلمى عليه
كنت لسه بقول لحضرتك امبارح انى مبعرفش اعبر عن اللى جوايا بس ربنا عالم انا دلوقتى ردت فيا الروح بجد
وعندى احساس تانى غريب بس متضحكيش عليا..حاسس انى جعاااان اوووووى عشان مأكلتش حاجه من الصبح وكلامك ده فتح نفسى
ع الله الاكل اللى فى البيت يكفينى
نفسى أشكرك بس انا عارفك زى حالاتى بتزعلى من كلمه شكرا
ربنا ميحرمنى منك ابدا وان شاء الله مش هتعب تانى عشان متقلقيش عليا
حضرتك قولتيلى انك مكنتيش لاقيه المدخل للموضوع بس لو كنت اعرف انى لما هتعب هتكتبى الكلام الحلو ده كنت جبت فرخه عندها انفلونزا وبوستها
بس برضه لازم اقول لحضرتك شكرااااااااااااااااااااااااااااا

صبرني يارب يقول...

انتى فين يا جميل

يعنى كان لازم روميو يتعب عشان نشوفك

ربنا يشفيك يا روميو ويا بتختك يا عم

القلوب الصافيه نعمه ربنا يرجعلك حبايبك بالسلامه

ويشفي روميو

وما تبقيش تغيبى كده علينا تاني

osama44 اسامه 44 يقول...

بجد كلامك اسعدنى واشعرنى بالحب والبهجه واننا مازالنا بخير مادامنا نسمع تلك الكلمات من قلوب جوهرها رائع مثل قلبك
قرب الله كل بعيد لاحباءه

دمتى صاحبة قلب كبير

فارس عبدالفتاح يقول...

الاخت الفاضلة

اشكرك على الزيارة واشكر حضرتك على النصح وهذا من كرم الاخلاق لديكم

فتقبلي كل التحية والاحترام

Unknown يقول...

سعادتتنا الحقيقه في عوده النشاط ..
معك ندعوا لكل مريض بالشفاء
وكل مفترقين باللقاء..
نحن من يكيف حياته ...
تذكري دائما قول الرسول الكريم صلي الله عليه وسلم لصاحبه و هما يواجهان المخاطر ...( لا تحزن ...إن الله معنا )
نبتهج دائما عمدما يجول طيفكم بالخاطر .

غير معرف يقول...

بجد حضرتك حد جميل جداااا اللي كان بيتحكيلي عن حضرتك طلع اقل من الحقيقه ..بس انا نفسي اتعرف علي حضرتك وقريب جدا هكلمك والف سلامه عليك يا روميو

عطش الصبار يقول...

عمرو
شكرا على زيارتك
نورتنى

عطش الصبار يقول...

ويل
اهلا بيك
فى انتظار مكالمتك
من غير تليفون مشاعرك وصلانى
تحياتى

عطش الصبار يقول...

ياااااااااااااه ياروميو
الف حمدالله على سلامتك
انت غالى عليا قوى يامحمد
والفرخه تاكلها بس مش حاجه تانيه ويبقى احسن لو اكلناها سواولا ااقولك الف هنا وشفالك
ربنا يبارك لك ويبارك فيك
انت انسان جميل
تحياتى

عطش الصبار يقول...

صبرنى يارب
واللهى لما بشوف اسمك وانك نورتينى بفرح جدا جدا
خفه دمك مالهاش حل
نورتينى

عطش الصبار يقول...

شكرايا شاعر يا كبير
كلامك اسعدنى
يارب اكون كدا فعلا
تحياتى

عطش الصبار يقول...

استاذ فارس القومى العربى المثقف
اهلا بيك نورتنى

عطش الصبار يقول...

فركشاوى ناوى
بيسعدنى كلامك جدا وبيدينى الثقه بنفسى
شكرالك
تحياتى

عطش الصبار يقول...

غير معرف
واللهى واللهى زيارتك وكلامك كان ليهم اثر جميل
اكيد انت حد انت حد اجمل وهاكون سعيده جدا انى اتعرف عليك
وفى انتظار مكالمتك واشكر الله ا منحنى المزيد من الابناء
شكرا لك والف شكر

غير معرف يقول...

القطه:اكيد ليا حق احبك يا روميو . اول مقرأت اللي حضرتك كتباه عن محمد وانا بعيط خفت عليه اوي لحد لما وصلتني مسج منه بيغلس عليا فيها اطمنت عليه كل يوم بيكبر في عيني اكتر من الاول هو فاكر ان اي حاجه بيعملها تزعلني من ورا قلبه عشان مصلحتي اني كده هبعد عنه وانساه بس اللي بيحصل عكس كده بتمسك بيه اكتر يا ريت حضرتك تفهميه اني مش قادره اعيش من غيره..وبجد نفسي اتعرف علي حضرتك

عطش الصبار يقول...

القطه اهلا بيكى
طبعا كل اللى يعرف روميو لازم يحبه لاخلاقه وجديته حتى وهو صغير كان جد حتى لما كان بيمارس هوايته فى لعبه كره السله كان متميز واصحابه اسموه روماريو على اسم لاعب كره شهير وانا باحب اناديه روميو
تحياتى

عمرو جويلى يقول...

السلام عليكم
موضوع رائع
وكلمات جميلة
أتمنى لك التوفيق
خالص تقديرى

غير معرف يقول...

ازيك يا ماما
واحشانى جدا واحشنى بوستاتك وواحشنى اكتر زيارتك ليا على الرغم انى مش باكتب بس مجرد متابعة حضرتك ليا بيحسسنى بفخر شديد
اما عن المقصود بالبوست فانا باغبطه صراحه على هذا الحب والدف فى المشاعر
ربنا يديكى الصحه والعافيه والسعاده يا ماما ومتتاخريش علينا لانى لو مش متابع بس مش باقدر مجيش عند حضرتك
تحياتى

غير معرف يقول...

فمعك استنشق هواء ذكريات زمن اخر حمل لى عمر من السعاده
استمد من ضياء الرجوله والبراءه فى محياك قوتى
ايه الجمال دا يا ماما بصراحه عجبانى جداااااااااااااااا

Tears يقول...

المدونة جميلة و تلك اول زيارة لى

اعتقد ان الماضى بكل ما فيه من جمال قد يعود بقيمه و روحه ان صممنا على ذلك

محمد عبدالرحمن شحاته يقول...

مبروك النصر لمصر
دائما هي فوق القمة

محمد عبدالرحمن شحاته يقول...

مبروك النصر لمصر
دائما هي فوق القمة

عطش الصبار يقول...

رحله البحث
ليه الغياب ده انا بازعل لما الاقيك غايب وبحس من غيابك انك محبط
انت وكل الشباب مثلك اقوى من الاحباط واليأس
فى انتظار الجديد

عطش الصبار يقول...

tears
معجبه انا بمدونتك التنويريه
وسعيده بزيارتك
تحياتى

عطش الصبار يقول...

محمد عبد الرحمن شحاته
طبعا دايما مصر فوق القمه
وبنحلم تكون فوق القمه فى كل المجالات
اهلا بيك

مهرة سالم يقول...

السلام عليكم....
مشاعر الأمومه من أسمى المشاعر..
وأن تكون موجوده للكل سواء إبن أو إبنه أو من شعرنا بإنه إبن أو إبنه
يدل على قلب معطاء ...
جميل تواجده بعد الغياب ...
شافاه الله لكِ ولأهله ..
......
وكما قال
well
كنتِ لتجدي ذلك وأكثر ...
.....
الله يحفظ أبنائك في غربتهم ويردهم بالسلامه..
.....
في أمان الله

حاول تفتكرنى يقول...

كل شىء فى مدونتك باكي ، أو يوجه لنا دعوة خاصة جدا للبكاء

ربما كانت المشاعر التي تصرخ بها كلماتك لا نقدرها قدرها المستحق ، ولكن تأكدي أن فينا من يشعر بلهيبها المستعر والراكد بين اضلع مختفية

ليس فى مقدور الجميع أن يشعر بهذه الالم ولو كان ألم خلف السجايا وبين الضلوع

أحببت كل شىء هنا
كلماتك ومشاعرك وابناءك
ربما تجدي فى هذا الموضوع النصف الاخر من مشاعرهم وهم يفتقدوا معك كل شىء
http://7aweltftkrni.blogspot.com/2009/03/blog-post_19.html

حاول تفتكرنى يقول...

هذا هو رابط الموضوع

( http://7aweltftkrni.blogspot.com/2009/03/blog-post_19.html )

غير معرف يقول...

ازي حضرتك؟
اتمنى تكونى بخير والاسره الكريمه
مستنى بوست جديد بقى
ياريت حضرتك متغيبيش وفى انتظار جديدك وان لم يكن فطمنينا على حضرتك

عطش الصبار يقول...

حاول تفتكرنى
بالرغم من محاولاتى فتح اللينك الذى اشرت اليه الا اننى لم اوفق وقررت البحث عما تقصد وعما تريد قوله لى واخترت بقلب الام ذالك البوست التى خطته يداك(ملامحها)اخترته لانه اروع ما كتب عن ام لانه اروع احساس من ابن
قرأته مرارا وتكرارا نقشت كلماته بحروف من حنو
لاااعلم هل هذا ماأردت منى قراّته ام انه ما رغبت به اناوتمنيته واحسست به
فى كل الحالات شكرا ثم شكرا لك لاننى وفى رحله بحثى ابحرت فى فيض مشاعر
اسمح لى ان اتوقف امام كل ما كتبت فى الماضى
لك اشكر مره اخرى
تحياتى

walaa tulip rose يقول...

بوست جميييييييييييييل اوي
مش مجاملة وكلام تعليقات بالعكس
انا حسيت ان حضرتك بتكتبي لابنك بالفعل وفوجئت بكلمة الذي لم انجبه
بكيت معاكي علي حال الام في بعد ابنائها وبكيت لاحساس القلب اللي حبيبه غايب
بعثت البوست لزوجي لاني حسيت ان والدته هي اللي بتكتب له
اد ايه احساس حضرتك بالامومة راااااائع
رغم انه باكي
تحياتي لحضرتك

عطش الصبار يقول...

تنتابنى تلك المشاعرالمتناقضه عندما اجد اسم جديد يضىء صفحه مدونتى اشعر بالفرحه ان ما اكتب يلقى صداه عند الاخرين واشعر بألم انه هناك من يعيشون ويألمون من وجع البعاد اتألم من اجلهم اعيش معهم فى الخيال ايام الافتقاد لكل ما يحبون
هم اصغر من ان تغيم ظلال الفراق على سماء حياتهم
لكن فى البعاد ميزه اخرى هى عيش التفاصيل مع الذكريات
استرجاع الملامح والكلمات
مع البعاد نتسامح مع كل شىء عند اللقاء
جمعك الله يا ابنتى مع من اضاء قلبك بالحب وجعلك تحبين كل اللحظات
شكرا لك على زيارتى وشكرا لك على مشاعر كثيره اضاءت قلبى

Unknown يقول...

كتب الله له
الشفاء هو وكل
مريض ورد اليك ولدك
سالماً غانماً بــأذن الله.
نعم هناك أبناء لم نلدهم
ومن الممكن حتى لم ولن نراهم
ولكنها العاطفة والشعور الانسانى
الربانى والذى يجعلك تستشعرين صدق
كلام بعضهم وكذب البعض الأخر

Unknown يقول...

اول حاجة عاوز اقولها اني المفروض اغير من روميو بعد كل الكلام الجميل ده عليك يا عم محمد
بس ده المفروض مش الحقيقة :)
الحقيقة ان قلب أمي كبير
بيحب كل شئ جميل و بيعشق النقاء و الصدق , والصفات دي شوية صغيرة من اللي جواك.
دايماً بين الشباب و الاصحاب بالذات الولاد بيكون مش عادي ان حد يقول للتاني على مشاعره الحلوة تجاه التاني, وبنعتبرها عادة مش طبيعية, عشان كده انا بستغل الفرصة دي و اقول انه انت بجد اللي ينفع يتقال عليك صديق العمر.
شكرا على اللي عملته واللي لسه بتعمله معايا و مع أمي و ربنا يقدرني و اساعد في تحقيق حلم حياتك.

عطش الصبار يقول...

نور
فعلا يادكتورهكتير ممكن نلاقلا ابناء لم ننجبهم واهل ليسوا من دمائنا تجدى عندهم كل الحب والود ودى بتبقى نعمه من الله
نورتينى

عطش الصبار يقول...

ياه اخيرا احمد
ده بقى ابنى
عارف ياحمد لو ما كنتش بتملك كل الصفات الجميله ماكنتش هلاقى اصحابك حولى يراعونى ويسألو عنى وكأنك موجود
فاكر ياحمد لما كنت فى ثانوى وقلتلى انك قابلت سيده فى الطريق كانت تحمل اغراض كتيره وتعانى فحملت عنها اغراضها واوصلتها الى منزلها وظلت تدعوا لك وانك دائما ما تود ان تحمل عن كل الامهات
ولان المرء على دين خليله فلا تعجب ان روميو هكذا فاناا عرفه مند كان صغيرا وكذا(تان و تمبو)
ربن يبارك فيكوا فأنتم نعم الشباب الناجح البار بوالديه
نورت واللهى
انا برد عليك بدل روميو لانه مشغول الايام دى وربنا يحققله حلمه انه يترقى فى منصب يقدر منه يقضى على الفساد حتى لو على الفساد الصغير
يارب ياروميو

اقصوصه يقول...

نزيف الكلمات اختلط علي

الا ان ما لمسته هنا

هي مشاعر قويه

متضاربه،،

تتعارك على الخروج الى النور!

عايش... ولكن !!!! يقول...

الف سلامه على روميو
يا بختك يا عم روميو :))

فارس عبدالفتاح يقول...

الأخت الفاضلة / عطش الصبار

تحية واحترام


على فكرة أنا لا اقصد التحذير بمعناه ولكني كنت امزح ( أهرج ) لأضفي نوع من المرح على التعليق لا أكثر وأنا اعرف أن حضرتك تقدرين الآراء والأشخاص اعرف هذا جيداً وأكن له كل احترام وتقدير

ومعك في كل ما قلتيه عن عمل المرأة لحفظ كرامه المرأة حتى بين إخوانها إذا توفي والديها اعلم هذا جيداً كما اعلم انه من شروط الزواج أيضاً عمل الفتاة

وهذا أمر مؤسف جداً ومزعج

فلا تأخذي موقف من تعليقي فانا لا اقصد شيء إطلاقاً واني أكن لحضرتك شخصياً وللأخت سول والأخت آمل عزت صاحب مدونة نون كل احترام وكل إجلال

ولكن ما كنت أريد أن أوصله للأخت سول هو أنها تؤكداً على الدوام على الالتزام بالكامل بالكتاب والسنة التعاليم الإسلامية في كل شاردة وواردة مع ذلك تطالب بخروج المرأة للعمل وهذا مخالف لتعاليم الدين الإسلامي لأن خروج المرأة من بيتها لضرورة فإذا لم توجد الضرورة فلا خروج لها ويكون خروجها بإذن زوجها أو وليها

هذا ما ينص عليه الدين .. وهذا تحفظي على ما أبدته سول في هذا الأمر مما يضاد معتقداها ومنهجها

فارجوا المعذرة على سوء الفهم ولك مني كل التقدير والاحترام

Haytham Alsayes يقول...

انا اول مرة ادخل تدوينتك وعجبتني البوستات اوي وساكون متابع لها ان شاء الله
تقبلي مرورى وارجو زيارتي في مدونتي المتواضعة

غير معرف يقول...

لن أقول شيئاً سوى: هنيئا لك روميو بحنين عطش كعطش الصبار!
ٍالله لايفرق أُم عن ولدها.. يارب
سرني الولوج إلى بعض عالمكِ الحنون..

ن يقول...

السلام عليكم
الاخت الفاضلة.. عطش الصبار
أشكرك جدا على الزيارة والمتابعة
جزاك الله خيرا وتقبل منك الدعاء .
سنلتقى عما قريب ان شاء الله من خلال صفحات المدونة .
لك منى كل التقدير والاحترام
مع خالص تحياتى

م/ الحسيني لزومي يقول...

عزيزتي عطش الصبار
المشكله تكمن في الشعب اللي مش عايز يتحرك علشان مصلحته وعايز حد يقوم بهذا العمل مكانه.

الغاردينيا يقول...

ربنا يطمنك على كل غالي

يا ارق ام ^_^

لكي التحية العطره ,